ପରାମର୍ଶ

ଶରୀର ସୌନ୍ଦର୍ଯ୍ୟ ନୁହେଁ ସ୍ମରଣୀୟ

    କିୟତ୍ କାଳ ସୁଖମୟ

ସୁଗୁଣ ସ୍ବଭାବ ସ୍ଥାୟି ରୂପ ନେଲେ

    ସଭିଙ୍କ ଆଦର ପ୍ରିୟ ।

ଯୌବନ ସୌନ୍ଦର୍ଯ୍ୟ ସ୍ନେହ ପ୍ରୀତି ଭରା

    ହୁଅଇ ଉନ୍ମାଦ ଗ୍ରସ୍ତ

ଜୀବନ ଯାପନ ପ୍ରଣାଳି ସ୍ବଚ୍ଛନ୍ଦ

    ସ୍ବ ଇଚ୍ଛାରେ ମଦମତ୍ତ ।

ଅନ୍ତର ଆତ୍ମାରେ ଆବାହନ କର

    ଅନନ୍ତ ଅଚ୍ୟୁତ ଆଦି

ଅପାର ଆନନ୍ଦ ଅଚିରେ ଲଭିବ

    ଅବୟବ ହେବ ଶାନ୍ତି ।

କର୍ମ ହିଁ ଜୀବନ କର୍ମ ମହତ ଧନ

    କର୍ମ ଯୋଗୁ ପରିଚୟ

କରମେ ସହାୟ କରୁଣାକରଙ୍କ

    ପଦେ ରଖିଥାଅ ଲୟ ।

ଧରମେ ଚାଳିତ ଧରାଧାମ ଏହି

    ଧାରଣ କରିଛି ପ୍ରେମ

ଧରାଶାୟୀ କେବେ ନ ହୁଅ ମାନସ

    ଧରମରେ ରଖ ଧ୍ୟାନ।

ଗୁରୁ ଗୁରୁଜନେ ଭକ୍ତି ଅର୍ଘ୍ୟ ଢାଳ

    ଲଘୁ ଜନେ ସ୍ନେହ ପ୍ରୀତି

ଗର୍ବ ଓ ଗାରିମା ତ୍ୟାଗ କର ବାବୁ

    ପ୍ରଭୁ ପଦେ ରହୁ ମତି ।

ପ୍ରତିତ୍ମନମତି ଯୁବକମାନେ ହେ

    ଘେନ ମୋର ପରାମର୍ଶ

ବଂଚିଥିବାଯାଏଁ ଲଭିବ ଆନନ୍ଦ

    ପାପ ହେବ ନାହିଁ ସ୍ପର୍ଶ ।