ଲାଇବ୍ରେରୀ
ପ୍ରୋଫାଇଲ୍
ପର ଧନରେ ଦାବି
ପର ଧନରେ ଦାବି
1 min
173
ମନ୍ଦିର ପ୍ରାଙ୍ଗଣେ ଭିକାରିଟେ ବସି
ମାଗୁଥାଏ ନିତି ଭିକ
ଯୁବକଟି ଯେବେ ଯାଏ ମନ୍ଦିରକୁ
ଦିଏ ଶହେ ଟଙ୍କା ଏକ।
ଏକ ବର୍ଷ ପରେ ଶହେ ବଦଳରେ
ଦେଉଛି ଯେବେ ପଚାଶ
କହୁଛି ଭିକାରି ଅଧା ଦେଇ କିଆଁ
କରୁଛ ମୋତେ ହତାସ ?
ବିଭା ହୋଇଗଲି ପରିବାର ଖର୍ଚ୍ଚ
ଅଧିକ ହୁଏ ମୋ ଏବେ
ପୁଣି ସେ ଯୁବକ ଆଉ ବର୍ଷେ ପରେ
ଟଙ୍କା ଦଶ ଦିଏ ଯେବେ।
ଭିକ୍ଷୁକର ପ୍ରଶ୍ନ ସତ କୁହ ଭାଇ
କିପାଇଁ ଦେଉଛ ଦଶ
ବିନୟେ ଯୁବକ କହେ ପୁଅଟିଏ
ହୋଇଅଛି ଗଲା ମାସ।
କ୍ରୋଧେ ଜର୍ଜରିତ ହୋଇ ସେ ଭିକ୍ଷୁକ
ପଚାରୁଛି ଯୁବକକୁ
ମୋ ଟଙ୍କାରେ ତୁମ ଘର ଚଳାଉଛ
ଲାଜ ଲାଗୁନି ତୁମକୁ ?
