ପଙ୍ଗପାଳ ଆସୁଛନ୍ତି **********

ପ -ପବନ  ବେଗରେ  ମାଡି  ଆସୁଛନ୍ତି

                  ଆକ୍ରମଣ   କରିବା   ପାଇଁ,

ବେଳ ଥାଉ ଥାଉ  ସାବଧାନ  ହୁଅ

                 ଯେତେ  ଅଛ ମୋ' ଚାଷୀ  ଭାଇ l

ପଲ ପଲ  ହୋଇ ଖାଇଦେବେ  ସବୁ

                  ଆମର  ସବୁଜ  ଫସଲ,

ପଙ୍ଗପାଳ ସବୁ  ଆସୁଛନ୍ତି  ଉଡି

                  ପରିସ୍ଥିତି  କି   ଅସମ୍ଭାଳ l

ଙ୍ଗ- ଗଙ୍ଗାର ଉତ୍ପତ୍ତି ଯେପରି  ହୋଇଛି

                  ଏମାନଙ୍କର  ଦ. ଆଫ୍ରିକା,

ମରୁଭୂମି  ଅଟଇ  ଚାରଣ  ଭୂମି

                   ଚଳୁ  କରନ୍ତି  ଋଷି  ପରିକା  l

ଗର୍ଜନରେ  କେହି ଭୟଭୀତ  ନ  ହୋଇ

                   ଥାଳି  ଧରି  ଦିଅ ଡେଙ୍ଗୁରା,

ବିଶୋଧନକୁ  ସବୁ  ସିଞ୍ଚନ କରି

                   ଯୁଦ୍ଧ ପାଇଁ  ଦିଅ ଡାକରା l

ପା -ପାକିସ୍ତାନ ପଟୁ  ଆକ୍ରମଣ  କରି

                     ଭାରତରେ  କଲେ  ପ୍ରବେଶ,

ପାଞ୍ଚଟି ରାଜ୍ୟକୁ ଦଖଲ  କଲେଣି

                    ଖାଇ  ଶସ୍ୟକୁ କରି  ଧ୍ବଂସ l

ପାଟି କରି  ରଣ  ହୁଙ୍କାର ଦେଲେ  ଯେ

                   ଚାଲି  ଯିବେ  ଶସ୍ୟ ନ ଖାଇ,

ବାଜା ବଜାଇ  ଆମେ  ବାଣ  ଫୁଟାଇ

                    ଦେବା  ସଭିଏଁ  ଘଉଡ଼ାଇ  l

ଳ- ଲକ୍ଷ ଲକ୍ଷ  ଟଙ୍କାର  ଫସଲକୁ  ଖାଇ

                     କରିଦେବେ  ସମୂଳେ  ନଷ୍ଟ,

ଦୁର୍ଭିକ୍ଷ, ମରୁଡି  ଦେଖା  ଦେବ  ଦେଶେ

                    ମାଡି ଆସିବ  ଯେ  ଶଙ୍କଟ  l

ଲକ୍ଷ୍ୟ ଆମର  ମlରିବା  କି ମରିବା

           

                    ବୈଦେଶିକ  ଶତ୍ରୁ  ପୋକକୁ,

ଓଡିଶାବାସୀ  ଆମେ  ଭାରି ସାହସ

                     ଦେଖାଇବା  କରାମତିକୁ l