ପଲକେ ପଲକେ ତୁମ ରୂପ ଝଲକେ

ପଲକେ ପଲକେ ତୁମ ରୂପ ଝଲକେ

ଦେଖେ ତୁମକୁ ସପନେ ଶୋଇ ପଲଙ୍କେ

ଦିବସର ଉଜ୍ଜ୍ଵଳ ସୁନେଲି ଆଲୋକେ 

ସଦ୍ୟ ଫୁଟା ଫୁଲ ପରି ତୁମ ବାସ ମହକେ

ଖେଳିଯାଏ ସବୁ ମୋ ମନର ମୂଲକେ

ପଲକେ ପଲକେ ତୁମ ରୂପ ଝଲକେ

ଦେଖି ଲାଖିଯାଏ ଆଖି ତୁମ ପାଇଁ ଫରକେ 

ତୁମ ସୁନ୍ଦର ରୂପ ଲାବଣ୍ୟ ଆଗେ ଝଟକେ

ପ୍ରାଣେ ପ୍ରାଣ ସଞ୍ଚରି ନାଚେ ନବ ପୁଲକେ

ଦେଖୁଛି ତୁମକୁ ଥରକୁ ଥର ନୟନ ସ୍ଫଟିକେ

ପଲକେ ପଲକେ ତୁମ ରୂପ ଝଲକେ 

ତୁମଠାରେ ଦୃଷ୍ଟି ମୋର ଯାଇ ଅଟକେ

ମନ ଘୁରି ବୁଲେ ତୁମ ଘର ପାଖ ଫାଟକେ

ବିରହ ବେଦନାରେ ଆଖି ଭିଜେ ଲୋତକେ

ନାଁ ତୁମର ଲେଖି ଦେଇଛି ହୃଦୟ ଫଳକେ

ପଲକେ ପଲକେ ତୁମ ରୂପ ଝଲକେ 

ତୁମକୁ ଭଲ ପାଉଥିବି ଏ ଜୀବନ ଯାକେ 

ଦିନ କାଟିବି ତୁମ ସହିତ ପବିତ୍ର ସଂପର୍କେ

ତୁମ ଗୁଣେ ହେବି ଗୁଣୀ ଜୀବନ ସ୍ତବକେ

କାୟା ସାଥେ ଛାୟା ହେବି ତୁମ ସହାୟକେ 

ପଲକେ ପଲକେ ତୁମ ରୂପ ଝଲକେ

ସାଥୀ କରି ଆଣିବି ସିନ୍ଦୁର ଦେଇ ମସ୍ତକେ 

ମୁଁ ସାଇତି ରଖିବି ତୁମକୁ ହୃଦୟ ସିନ୍ଧୁକେ

ପ୍ରେମର ପ୍ରଦୀପ ଜାଳି ଜ୍ଞାନ ବୁଦ୍ଧି ବିବେକେ 

ନିଜକୁ ସମର୍ପି ଦେବି ଜୀବନର ସାର୍ଥକେ

ପଲକେ ପଲକେ ତୁମ ରୂପ ଝଲକେ।