ପ୍ଲାଷ୍ଟିକ୍ ଓ ପଲିଥିନ୍

ଗାଆଁ ସହରର ବଜାର ହେଉବା

ସମୁଦ୍ରକୂଳ ବା ନଦୀର ତଟେ

ପ୍ଲାଷ୍ଟିକ୍ ଓ ପଲିଥିନ୍ ପଡ଼ିଥାଏ ପରା

ଘରେ ଅବା ଯିବା ଆସିବା ବାଟେ ।

ପ୍ରତ୍ୟେକ ଘରର କୋଣ ଅନୁକୋଣେ

ଦିଶଇ ପ୍ଲାଷ୍ଟିକ୍ ଜିନିଷ,ଜରି

ବଜାରରୁ କିଛି ଜିନିଷ କିଣିଲେ

ଆଣୁ ଆମେରେ ପଲିଥିନ୍‌ ଭରି ।

ପଲିଥିନ୍ ଓ ପ୍ଲାଷ୍ଟିକ୍ ବ୍ୟବହାରେ

ପରିବେଶ ପରା ହୁଏ ଦୂଷିତ

ମାଟି ବିଗିଡ଼ଇ ପୋଡ଼ନ୍ତା ଧୂଆଁରେ

ଫୁସ୍‌ଫୁସ୍‌ ହୁଅଇ ସଂକ୍ରମିତ ।

ଅନେକ ସମୟେ ଏଗୁଡ଼ିକୁ ଖାଇ

ପଶୁପକ୍ଷୀଙ୍କର ମୃତ୍ୟୁ ଘଟଇ

ଜଳ ନିଷ୍କାସନ ପଥେ ଏହା ରହି

ଜଳ ପ୍ରବାହରେ ବାଧା ଦିଅଇ ।

ଗଛଟିର ଚେର ମାଟି ଭିତରକୁ

ଯିବାକୁ ଦିଏରେ ଏସବୁ ବାଧା

ବର୍ଷା ଜଳେ ଭାସି ମିଶଇ ମାଟିରେ

ହରାଏ ମାଟି ମାଆ ଉର୍ବରତା ।

ବେଳେ ବେଳେ କିଛି ଗୁଜୁରାଣ ପାଇଁ

ବାଟରୁ ସାଉଁଟି ବଜାରେ ବିକି

ପରିବାର ଡଙ୍ଗା ଚଳାନ୍ତି ସେମାନେ

ଭଲ ଲାଗେ ପରା ଏଦୃଶ୍ୟ ଦେଖି ।

ଅନୁଷ୍ଠ।ନ ହେଉ ଅବା ଘର ହେଉ

ହେଉ ପଛେ ପ୍ରତି ଛକ ବଜାର

ପୁଣି ବ୍ୟବହାର ପାଇଁ ସବୁଠାରେ

କରିବା ଡଷ୍ଟବିନ୍ ବ୍ୟବହାର ।

ପେପର,କପଡା ବ୍ୟାଗ୍ ବ୍ୟବହାର 

କରିଲେ ଏହା ହାର କମିଯିବ 

ପ୍ଲାଷ୍ଟିକ୍ ଓ ପଲିଥିନ୍ ମୁକ୍ତ ହେବ

ଓ ସ୍ଵଛ ଭାରତ ସାକାର ହେବ।