ପଖାଳ
ପଖାଳ
ଆ-ଲୋ ବଉଳ, ଖାଇବା ପଖାଳ ରଖିଛି ଶୁଖୁଆ ଭାଜି,
ଦହି ମିଶେଇଛି ଲଙ୍କା ବି ଦଳିଛି ତୋରମନ ଯିବ ହଜି |
ଆମ୍ବକଷି ଅଦା ଛେଚି ପକେଇଛି ରସୁଣ ରଖିଛି ଦଳି,
ରସାଳ ସଜନା ଛୁଇଁକୁ ଭାଜିଛି ସୋରିଷ ମସଲା ଢାଳି |
ଚଡ଼ଚଡ଼ି କରି ରଖିଛି ତୋ ପାଇଁ ଚୂନାମାଛ ଖୋଜି ଖୋଜି |
ଲେଉଟିଆ ଶାଗ ବଡ଼ିଚୂରା ପୁଣି ନଡ଼ିଆ ଚଟଣି ଅଛି,
ଚୂନାଚୂନା କରି କାଟିଛି କାକୁଡ଼ି ଦହି ଟିକେ ମିଶେଇଛି |
ବାଇଗଣ ପୋଡ଼ା ଭରତା କରିଛି ତୋତେ ବାଢିଦେବି ଆଜି |
ଲଙ୍କା ଲେମ୍ବୁ ଲୁଣ ଚକଟି ରଖିଛି ଖାଇବା ଟାକରା ମାରି,
ଛେଞ୍ଚଡ଼ା କରିଛି ପୋଇ ପତରରେ ମାଛମୁଣ୍ଡ ଗୁଣ୍ଡକରି |
ତୋ ବରକୁ ସାଥେ ଡାକି ଆଣିଥିବୁ ଯଦି ସେ ହୁଅନ୍ତି ରାଜି |