ଲାଇବ୍ରେରୀ
ପ୍ରୋଫାଇଲ୍
ପଖାଳ ଗାଥା
ପଖାଳ ଗାଥା
1 min
261
ପଖାଳ ସାଙ୍ଗକୁ ଶୁଖୂଆ ପୋଡି
ଅଗଣା ପିଣ୍ଡିରେ ହୋଇଣ ମେଳି
ଆକାଶ ଛାତ ତଳେ ଏକାଠି ବସି
କଅଁଳ ଖରାକୁ କରିଣ ପିଠି
ଥରେ ଖାଇଛି ଯିଏ,ଜାଣିଛି ସେଇ ।।
ରସୁଣ ଛେଚାକୁ ପିଆଜ ଚୁନି
ବଡ଼ିଚୁରା ସହ ଦେଲେ ମିଶାଇ
ଖାଇବାର ମଜା ସେଠି, ଯାଏ ଯମି
ଲାଗେ ତା'ଆଗେ ସତେକି ଯେମିତି
ଛପନଭୋଗବି ଫିକା ଯିବଟି ପଡି ।।
ଅସରନ୍ତି କଥା ଯାଏ ତ ମେଲି
ସତ ମିଛ କିଛି ବାରି ନୁହଇ
କଥା ଖିଅ ଯାଏ ପଲ୍ଲୀରୁ ଦିଲ୍ଲୀ
ପଖାଳ କଂସାରେ ଭଉଂରୀ ଖେଳଇ
ଆଈମାର କୁହୂକ କାହାଣୀ ପେଡି ।।
ନାହିଁ ଆଉ ସେଇ ନୁଆଳିଆ ଚାଳି
ଝୋଟି ଦିଆ ଅଗଣା ପିଣ୍ଡି
ଜେଜେମାର ସରଧାବୋଳା ଗାଳି
ମିଳେ ସିନା ଆଜି ପଖାଳ ପାଣି
ହେଲେ ମାଟିର ମହକ ଯାଇଛି ହଜି ।।
