ପିତା ଧର୍ମ ପିତା ସ୍ୱର୍ଗ

ପିତା କଳ୍ପ ବଟବୃକ୍ଷ ଜୀବନ ଦ୍ୟୋତକ

ପିତା ସୂର୍ଯ୍ୟ ପ୍ରଭାଯୁକ୍ତ ଆଲୋକର ଉତ୍ସ ।

ପିତା ନିମ୍ବ ଉପକାରୀ ପାଦପ ଗୁଣକ

କଟୁତିକ୍ତ ରସାୟନ ପ୍ରାଣ ସୁରକ୍ଷକ ।

ପିତା ଧର୍ମ ବସୁଦେବ ଜନକ ପାଳକ

ବାସୁଦେବ ବ୍ରହ୍ମଦାରୁ ସନ୍ତାନ ପ୍ରତ୍ୟେକ ।

ବରପ୍ରଦ ପିତୃଲୋକ ପିତା ହିଁ ଈଶ୍ୱର

ପିତା ସ୍ୱର୍ଗ ବ୍ରହ୍ମା ବିଷ୍ଣୁ ପିତା ମହେଶ୍ବର ।

ପିତୃସେବା ମହାପୁଣ୍ୟ ପିତା ମହାତପ

ପିତୃଦେବ ସୁକଲ୍ୟାଣେ ମିଳେ ଶାନ୍ତି ସୁଖ ।

ପିତୃପ୍ରାଣ ପିତୃମୂଳ ମନ୍ତ୍ର ସଞ୍ଜିବନୀ

ଫଳଛାୟା ପ୍ରଦାୟକ ଶକତି ଜୀବନୀ ।

ବିକଶୁ ସ°ସାର ସାର ଜୀବନ ଆଦର୍ଶ

ପିତୃଗଣ ପରିତୋଷେ ପ୍ରକାଶୁ ଉତ୍କର୍ଷ ।