ପିଲାରୁ ବଡ
ପିଲାରୁ ବଡ
ଯେତେ ସବୁ ଟିକି ପିଲା
ଆମ ଜାତି ଭବିଷ୍ୟତ
ଛୋଟରୁ ହୋଇବେ ବଡ କିଶୋର କିଶୋରୀ ,
ଅରଜି ଉତ୍ତମ ଶିକ୍ଷା
କଉଶଳ ସକ୍ଷମତା
ହେବେ ନବ ଯୁବାଶକ୍ତି ସମ୍ବଳ ଆମରି ।
ତାଙ୍କରି ନିଷ୍ଠା ଉଦ୍ଯମେ
ପରାକାଷ୍ଠା ପରାକ୍ରମେ
ଉଦ୍ଭାସି ଉଠିବ ସୃଷ୍ଟି ନୂଆ ସମ୍ଭାବନା ,
ବିଜ୍ଞାନ ଜ୍ଞାନେ ଉନ୍ନତ
ହେଲେ ଯୁବା ପ୍ରଶିକ୍ଷିତ
ତ୍ବରିତ ହେବ ବିକାଶ ପ୍ରକଳ୍ପ ରଚନା ।
ଭୁଲି ମନୁ ଭେଦଭାବ
ହେବା ଏକ ମନପ୍ରାଣ
ଜାତିର ଉନ୍ନତି ଲକ୍ଷ୍ଯ ଆମ ସୁସଙ୍କଳ୍ପ ,
ସତ୍ଯ ଶାନ୍ତି ସମନ୍ବୟ
ଅହିଂସା ଆମରି ଧ୍ଯେୟ
ଉତ୍କର୍ଷତା ପ୍ରାପ୍ତି ଲାଗି ହେବା କର୍ମନିଷ୍ଠ ।
ନୂଆ ଆଶା ସ୍ବପ୍ନ ନେଇ
ଗଢିବା ବିଶ୍ବକୁ ଆମେ
ସମଗ୍ର ସୁନ୍ଦର ଧରା କୁଟୁମ୍ବ ଆମରି ,
ଆଲୋକର ରାହା ଖୋଜି
ଆମେ ସବୁ ଫୁଲ କଳି
ବିତରି ସୁମନ ବାସ ରଙ୍ଗ ଦେବା ଭରି ।