Library
Profile
ପିଲାମାନେ
ପିଲାମାନେ
ପିଲାମାନେ,
ଏ ଦେଶର ଧନ ରତ୍ନ ତୁମେ
ତୁମେ ଏ ଦେଶ ଭାଗ୍ୟ ଭବିଷ୍ୟତ
ରଖିବ ଏ ଦେଶ ର ମାନ ମହତ ।
ପିଲାମାନେ,
ନ ଭୁଲିବ କେବେ
ତୁମ ମାତୃଭାଷା କୁ
ନ ଭୁଲିବ କେବେ
ତୁମ ମାତୃଭୂମିକୁ ।
ପିଲାମାନେ,
ପଢରେ ଭଲ
ଗଢରେ ଭଲ
ତୁମ ଜୀବନ ର ମୂଲ୍ୟ
ଅମୁଲ ମୂଲ
ନ ଭାବିବ କେବେ
ନିଜକୁ ହୀନ
ସଂଘର୍ଷ କରି ବଞ୍ଚ ଜୀବନ ।
ପିଲାମାନେ,
ସ୍ଵାସ୍ଥ୍ୟ ଓ ଶିକ୍ଷା ର
ନେବ ଯତନ
ତୁମେ ଅଟ ଏ ଦେଶର ରତ୍ନ
ସଭିଙ୍କୁ ମଣିବ ନିଜର ବୋଲି
ପର ଆପଣା ଭେଦକୁ
ଯିବରେ ଭୁଲି ।
ପିଲାମାନେ,
ସଦା ସତ୍ୟ, ନ୍ୟାୟ,ଧର୍ମ
ପଥ ରେ ଚାଲ
ସଭିଏଁ ତୁମକୁ କରିବେ ଗେଲ
ହୁଏ ତ ଏ ରାସ୍ତା ଅଟେ କଠିନ
ଏ ରାସ୍ତାରେ ଗଲେ
ସଭିଏଁ କରିବେ ତୁମ ଜୟଗାନ ।
ପିଲାମାନେ,
ନ ମଣ ନିଜକୁ କେବେରେ ହୀନ
ଆଜିର ଶିଶୁ କାଲି ର ନାଗରିକ
ଏ ଦେଶର ଜାଣ
ପିତା ମାତାଙ୍କର ସେବା କରିବ
ଅଡିଶା ପଡିଶାଙ୍କ ନିଘା ରଖିବ
ଦୀନ ଦରିଦ୍ରଙ୍କ ଲୁହ ପୋଛିବ
ଚାଷୀ ମୂଲିଆ ଙ୍କୁ ସମ୍ମାନ ଦେବ
ସେ ପରା ଦେଶ ମେରୁଦଣ୍ଡ
ଶାସକ ସାଜି କି ନ ଦେବ
ସେମାନଙ୍କୁ ଯେ ଦଣ୍ଡ
ଶ୍ରମିକ ମାନଙ୍କୁ ନ କରିବ ଘୃଣା
ତାଙ୍କ ପାଇଁ ଗଢା କୋଠା ବାଡି
ଆମ ସବୁଟି ସିନା ।
ପିଲାମାନେ,
ଆମ ସମ୍ବିଧାନ
ଆମ ଗଣତନ୍ତ୍ର କୁ ସମ୍ମାନ ଦେବ
ଗୁରୁ ଗୁରୁଜନ ଙ୍କ କଥା ତୁମେ ମାନିବ
ଆମ ସଂସ୍କୃତି ର ରଖିବ ମାନ
କୁସଂସ୍କାର ବିରୁଦ୍ଧେ
କରିବ ସ୍ଵର ଉତ୍ତୋଳନ
ଜାତି, ଧର୍ମ, ବର୍ଣ୍ଣ,ଲିଙ୍ଗେ
ନ ରଖି ପ୍ରଭେଦ
ଭାରତୀୟ ବୋଲି
ଜାତୀୟ ଏକତା ରେ
ସଦା ସର୍ବଦା ହେବ ଉଦବୁଦ୍ଧ ।
ପିଲାମାନେ,
ତୁମେମାନେ ଏ ଦେଶର
ରଙ୍ଗ ବେରଙ୍ଗ ଫୁଲ
ମାଟି ମା ସେ ପାଇଁ
ତୁମକୁ ପାଏରେ ଭଲ
ତୁମେମାନେ ସବୁ
ଈଶ୍ଵରଙ୍କ ଅବତାର
ତୁମ ମଧ୍ୟେ ନ ଥାଏ ତେଣୁ
କିଛି ହିଁ ବିକାର
ତୁମର ଉନ୍ନତି ତୁମ ବିକାଶ
କରୁଛି କରିବ
ଏ ମାତୃଭୂମି ଆମରି ଦେଶ
ତେଣୁ ମାତୃଭାଷା
ମାତୃଭୂମି ରେ ବାରେ ରଖିବ ମମତା
ଆଗାମୀ ଦିନରେ ଏ ଦେଶେ ଏ ବିଶ୍ଵେ
ହିଂସା ଦ୍ୱେଷ ତ୍ୟେଜି
ଆଣିବ ନିଶ୍ଚେ ତୁମେ ସମତା
ତେବେ ପୂରଣ ହେବ ପାଳି ଶିଶୁ ଦିବସ
ମାଟି ମା ଆମ ହସିବ ଶାନ୍ତି ମୈତ୍ରୀର ହସ ।
