ପିଲା ଦିନ କଥା ଭାବି ଖୁସି

କେତେ ଖୁସି ଲାଗେ ପିଲା ଦିନ କଥା

 ମନେ ପଡ଼ି ମୋ ମନ ରେ

ଆନନ୍ଦ ଉଲ୍ଲାସ ଉଦ୍ଦୀପନା ପୂର୍ଣ୍ଣ

ସ୍ପନ୍ଦନ ତୋଳେ ପ୍ରାଣରେ ।

ଭାବି ବସି କଥା ହେଉଥିବା ବେଳେ

 ଅଜାଣତରେ ଶିହରୀ

ଉଠଇ ଉତ୍କଣ୍ଠା ଜାଗ୍ରତ କରାଏ

ଅତୀତ ସ୍ମୃତି ଆହରି ।

ଲଭେ ଆଶ୍ଵାସନା ନବ ସମ୍ଭାବନା

ରୋମାଞ୍ଚିତ ହୁଏ ଅଙ୍ଗ

ମତୁଆଲା କରେ ଚେତନା ବ୍ୟାପକ

ଲଭେ ପ୍ରେରଣା ଉଚ୍ଚାଙ୍ଗ ।

ଭାବ ଅନୁଭୂତି ପ୍ରାପ୍ତ କରି ନିତି

କରେ ଜୀବନ ଗଠନ

ବିଷମ ପ୍ରକ୍ରିୟା ଦେଖା ଯାଏ ଯେବେ

 ସହାୟତା କରେ ଦାନ ।

ଅତୁଳନୀୟ ସେ ଅନୁଭୁତି ରାଶି 

ବାଲ୍ୟ ଜୀବନେ ଯା ' ଲାଭ

କରିଛି ସେ ସବୁ ସମସ୍ୟା ବହୁଳ

ସମୟେ ଦିଏ ପ୍ରଭାବ  ।