ଲାଇବ୍ରେରୀ
ପ୍ରୋଫାଇଲ୍
ପୀରତି ଚାହାଣୀ ଗଜଲ
ପୀରତି ଚାହାଣୀ ଗଜଲ
1 min
130
ମୃଦୁ ମଦ ନିଶା ମନ୍ଦେ ମନ୍ଦେ ଯେବେ
ମୁଣ୍ଡକୁ ମୋହର ଚଢେ
ଗୋଲାପୀ ସଞ୍ଜର ଗୋଧୂଳି ବେଳରେ
ତମ କଥା ମନେ ପଡ଼େ
ଅମୋଦିତ ଲାଗେ ଶିହରଣ ଭରେ
ବଢାଏ ହୃଦୟ ସ୍ପନ୍ଦନ
ଗୋଲାପୀ ରଙ୍ଗରେ ଭରିଯାଏ ସବୁ
ପ୍ରୀତିଭରା ଫୁଲ ବନ
ସେଇ ଫୁଲ ବନେ ଆସ ଯେବେ ତୁମେ
ଚୁପିଚୁପି ପାଦ ଚିପି
ମତୁଆଲା ହୁଏ ଅଝଟିଆ ମନ
ଦୁଷ୍ଟମୀ ଚାହାଣି ଦେଖି
ଦେଖେ ଯେବେ ତୁମ ହରିଣୀ ଆଖିରେ
ଅନୁରାଗ ଭରା କଜ୍ଵଳ
ହଜେଇ ନିଜକୁ ଲେଖି ବସେ ସେଠି
ପୀରତି ଚାହାଣୀ ଗଜଲ
