ଅଭୁଲା ରହୁ ଏ ଜନ୍ମଦିନ
ଅଭୁଲା ରହୁ ଏ ଜନ୍ମଦିନ
ସମ୍ପର୍କ ବଜାରେ ପ୍ରତାରଣା ଚୋଟ
ଖାଇ ମରୁଥିଲି ଯେବେ
ଜୀବନ ଦର୍ଶନ ଶିଖାଇଲ ସଖୀ
ତୁମ ପ୍ରେମ ଭାବାବେଗେ ।
ଶୁଭ ଦିବସର ଶୁଭ ଅବସରେ
ସଖୀ ମୋର ତୁମ ପାଇଁ
ଲେଖି ମୋ ହାତରେ କବିତା ରାଗିଣୀ
ଫେରିଛି ସାଥିରେ ନେଇ ।
ବିଧାତା ଘଡିର ସମୟ କାଳୀରୁ
ଚୋରେଇ ସୁଖର ପ୍ରୀତି
ତୁମ ଜନ୍ମଦିନ ଶୁଭ ଅବସରେ
ଦେଉଛି ତୁମକୁ ଭେଟି ।
ବିତା ଦିନ ସବୁ ଚାଲି ଯାଇଛନ୍ତି
ସହି କେତେ ଅଭିମାନ
ପଛ କଥା ଭୁଲି ଶୁଭେଚ୍ଛା ବାଢୁଛି
ଅଭୁଲା ରହୁ ଏ ଜନ୍ମଦିନ ।