ଲାଇବ୍ରେରୀ
ପ୍ରୋଫାଇଲ୍
ପିଆଲା ଓ ପ୍ରିୟତମା
ପିଆଲା ଓ ପ୍ରିୟତମା
1 min
290
ରାତି ଯେତେବେଳେ କଥା କହୁଥାଏ
ତୁମରି ପରଶ ପାଇ
ଗଢି ହୋଇଯାଏ ସ୍ୱପ୍ନର ମହଲ
ବହେ ଜୋଛନାର ନଈ
ଜୋଛନାରେ ତୁମେ ଭିଜି ଭିଜି ଆସ
ଭିଜାଇ ଦିଅ ମୋ ଦେହ
ତୁମ ପ୍ରୀତିଭରା ସ୍ପର୍ଶ ଦେଇ ମୋର
ସବୁ କଷ୍ଟ ହରିନିଅ
ରଙ୍ଗ ଭରିଦିଅ ରାତିର ଦେହରେ
ପିଆଲାରେ ଦିଅ ଛୁଆଁ
ମଧୁର ମଧୁର ମଦିରା ପିଆଇ
ଦେହେ ଜାଳିଦିଅ ନିଆଁ
ରାତି ବଢୁଥାଏ ନିଶା ଚଢୁଥାଏ
ତୁମେ ବି ମାତାଲ ହୁଅ
ମରଣ ଭିତରେ ଜୀବନର କଥା
ମୋ କାନରେ କହୁଥାଅ
