Library
Profile
ଫୁଲେଇ ମୌସୁମୀର ପ୍ରୀତି ଛିଟା
ଫୁଲେଇ ମୌସୁମୀର ପ୍ରୀତି ଛିଟା
ଫି ବରଷ ବରଷାକୁ ଆଣି ଯେ ଆସଇ
ଫୁଲେଇ ମୌସୁମୀ ରାଣୀ ପ୍ରଭାବରେ ପାଣି ।
ପାଆନ୍ତି ନିଦାଘ କାଳେ ସନ୍ତପିତ ପ୍ରାଣୀ
ପ୍ରୀତି ଅନୁରାଗ ମଧୁ ପରଷି ଧରଣୀ ।
ଫୁଲ ଫଳେ , ସଜାଏ ସେ ସୁରୁଚିର ତର
ଫୁଟାଇ ସେ ନାନା ଜାତି କୁସୁମ ସମ୍ଭାର।
ପାଣିପାଗ ପରିବର୍ତ୍ତନ ଆଣିବା ପରେ
ପଥ ଓ ଅଗଣା ପୂର୍ଣ୍ଣ ପାଣି କାଦୁଅରେ ।
ପ୍ରୀତି ଛିଟା ପ୍ରଭାଵରେ ରୁକ୍ଷ ଶୁଷ୍କ ଉର୍ବୀ
ପୁଲକିତ ହୁଏ ନବ ଶିହରନେ ଶୋଭା ।
ପ୍ରଥମ ବାରି ପାତ ରେ ମହ ମହ ଗନ୍ଧ
ପ୍ରସାରେ ମୌସୁମୀ ବର୍ଷା ହେବା ପରେ ସ୍ୱାଦ ।
ଫୁଲେଇ ମୌସୁମୀ ରାଣୀ ପ୍ରଭାବରେ ପାଣି
ପୁରି ଉଠେ ଆନନ୍ଦରେ ନିଖିଳ ମେଦିନୀ ।
ପତ୍ର, କଅଁଳଇ ବୃକ୍ଷେ, ନିଦାଘୁ ନିସ୍ତାର
ପାଇ ଜୀବ ଜନ୍ତୁ ପଶୁ ପକ୍ଷୀ ଏ ସକଳ ।
ପଲ୍ଲବିତ ବୃକ୍ଷ ଲତା ନବ କିସଲୟେ
ପରଶେ ସୁଷମା ତୃଣ ଗୁଳ୍ମ ବନ ଶୋହେ।
ପୁଣି ନଭ ଗିରି ପୁର ପଲ୍ଲୀ ଆଦି ଠାରେ
ଫୁଲେଇ ମୌସୁମୀ ହସେ ମୟୂର ନୃତ୍ୟରେ ।
ପ୍ରୀତି ର ପହିଲି ଛିଟା ପ୍ରଭାଵ ରେ ରୁକ୍ଷ
ଫଟା ଶୁଷ୍କ ସ୍ଥାନ ମାନ ଶୋଭା ଓ ସୌନ୍ଦର୍ଯ୍ୟ ।
ପରିବର୍ତ୍ତନରେ ଦିଶେ ବେଶ ବାସେ ଭରା
ପଲ୍ଲବିତ ତରୁ ତୃଣ ଗୁଳ୍ମ ବସୁନ୍ଧରା ।
