ଲାଇବ୍ରେରୀ
ପ୍ରୋଫାଇଲ୍
ଫୁଲ ବଉଳ ବେଣୀ
ଫୁଲ ବଉଳ ବେଣୀ
କୁଆଁର ପୁନେଇ ଜହ୍ନ ଗୋ
ଫୁଲ ବଉଳ ବେଣୀ
ପୁନେଇ ରାତି ଟା ଲାଗେ ଫିକା ଫିକା
ଜହ୍ନ ଆଉ ହସୁ ନାହିଁ ଗୋ
ଫୁଲ ବଉଳ ବେଣୀ ।।।।।।।
ଝୋଟି ମୁରୁଜ ଦିଶୁନି ଲୋ
ଫୁଲ ବଉଳ ବେଣୀ
ଚଉରା ତ ନାହିଁ ଝୋଟି କି ଦିଶିବ
ଚଉରା ପଡ଼ିଲା ଫାଙ୍କା ଲୋ
ଫୁଲ ବଉଳ ବେଣୀ ।।।।।।।।
ମାତୃଭାଷା ଗଲା ହଜି ଲୋ
ଫୁଲ ବଉଳ ବେଣୀ
ଜହ୍ନି ଓଷା ବହି ପିଲେ କି ପଢ଼ିବେ
ଓଡ଼ିଆ ରେ ପିଲା ଅନ୍ଧ ଲୋ
ଫୁଲ ବଉଳ ବେଣୀ ।।।।।
ହେଲୋ ହାଇ ଯୁଗ ହେଲା ଲୋ
ଫୁଲ ବଉଳ ବେଣୀ
ଓଠ ବଙ୍କେଇ କି ଇଂରାଜୀ ହିନ୍ଦୀ ରେ
ପିଲାଏ ଦିଅନ୍ତି ଝାଡି ଲୋ
ଫୁଲ ବଉଳ ବେଣୀ।।।।।।।।
ପିଜା ବର୍ଗର ଖୁଆ ପିଲା ଲୋ
ଫୁଲ ବଉଳ ବେଣୀ
ଲିଆ ଉଖୁଡା କୁ ନାକ ଟେକି ଦେଲେ
ଆଜି କାଲି କାର ଝିଅ ଲୋ
ଫୁଲ ବଉଳ ବେଣୀ ।।।।।।
ଫ୍ରକ୍ ପିନ୍ଧା ଯୁଗ ଗଲା ଲୋ
ଫୁଲ ବଉଳ ବେଣୀ
ଜିନି ବାନି ଅନ୍ ରେ ଅଣ୍ଟି କି ଆସିବ
ଖଇ ସେ ରଖିବେ କାହିଁ ଲୋ
ଫୁଲ ବଉଳ ବେଣୀ ।।।।
ଆଜିର ଝିଅ ନିଆରା ଲୋ
ଫୁଲ ବଉଳ ବେଣୀ
ପରମ୍ପରା ସବୁ ଚୁଲୀ ରେ ପଶିଲା
ଚାନ୍ଦ ପୂଜା ହଜିଗଲା ଲୋ
ଫୁଲ ବଉଳ ବେଣୀ।।।।
ହୁଳହୁଳି ଶୁଭୁ ନାହିଁ ଲୋ
ଫୁଲ ବଉଳ ବେଣୀ
ଲିପିଷ୍ଟିକ ପରା ଲିଭିଯିବ ତାଙ୍କ
ଓଠ କରେ ଦାଉ ଦାଉ ଲୋ
ଫୁଲ ବଉଳ ବେଣୀ।।।।।
