ଫମ୍ପା ମଣିଷ

ରାତି ସରିଯାଏ ମାତ୍ର ସରେ ନାହିଁ ସ୍ୱପ୍ନ 

ମଣିଷ ଅପସରି ଯାଏ  ବାକି ରହି ଯାଏ କର୍ମର ଚିହ୍ନ 

ମିଛ ସତ୍ତା ପାଇଁ  କେତେଯେ ଛଳନା 

କାହିଁକି ଭୁଲି ଯାଏ ମଣିଷ  କେଜାଣି 

ଜେ ସେ ନିମିତ୍ତ ମାତ୍ର ଏକ ଖେଳନା | ୧ 

ଗର୍ବରେ ହଜି ଯାଇ 

କରେ ଅନେକ ଅପକର୍ମ 

ସେହି ଅପକର୍ମକୁ ଭୁଲିବା ପାଇଁ 

ଶୁଣୁଥାଏ ନାନାଦି ବେଦ ଗ୍ରନ୍ଥର ସାରମର୍ମ |୨ 

ସତ ଏଠି ଲୋକେ ଜାଣନ୍ତି

କେବଳ ଅନ୍ୟକୁ ଜଣେଇବା ପାଇଁ

ନିଜ ସତ ବାହାରକୁ ଆସିଲେ

କୁହନ୍ତି ଏସବୁ ଘଟୁଛି କେବଳ ଅନ୍ୟ ପାଇଁ | ୩ 

କେତେ ଆଉ ନିଜର ମିଛ ବଡ଼ିମା ଗାଇବ

ଶୁଭାଯାଉଛି ତମ ଭିତରର ଫମ୍ପାପଣ 

ଏବେ ତା ଦୟାକରି ନିଜକୁ କର 

ଜଗନ୍ନାଥଙ୍କ ପାଖେ ସମର୍ପଣ | ୪