ଫେରି ଆସ ପ୍ରୀୟା ମୋହର
ଫେରି ଆସ ପ୍ରୀୟା ମୋହର
ଏଇ ସରସ ସୁନ୍ଦର ସବୁଜ ବନ ପ୍ରାନ୍ତର
ମୂକ ସାକ୍ଷୀ ହୋଇ ଗାଏ ଗୀତ ଆମର
ପବନ ବୀଣା ଝଙ୍କାର କୋଇଲିର ମଧୁ ସୁର
ଝରଣାର କଳ କଳ ସଂଗୀତ ସୁର
ବଖାଣୁଛି କଥା ଆମର
ଆମ ମଧୁ ସମ୍ପର୍କର କରେ ପ୍ରଚାର |
କହି କେତେ ମିଠା କଥା ତନ୍ଦ୍ରାଳସେ ଲୋଟେ ମଥା
ମୋର ଅଙ୍କ ପଲଙ୍କର କୋମଳ ଶେଯେ
ତୁମ କୋମଳ ଅଙ୍ଗର ପରଶେ ସୁଖ ଅପାର
ପ୍ରୀତିର ପ୍ଳାବନେ ହୃଦ କ୍ରମଶଃ ଭିଜେ
ଅଙ୍ଗେ ଅଙ୍ଗେ ଜାଗେ କମ୍ପନ
ଭୂମିକମ୍ପେ ପ୍ରୀତି ଲାଭାର ଉଦ୍ଗୀରଣ |
ତୁମେ ତ ଭାରି ଅବୁଝା ବୁଝନାହିଁ ମୋଟେ ଜମା
ଦିନେ ନକହିଲେ କଥା ରହି ପାରନା
ତୁମେ ମୋ ଫୁଲେଇ ପ୍ରିୟା ଅଳସୀ ଜହ୍ନ ମୋହର
ଭାରି ଲାଜେଇ ଗୋ ମୋର ମନ ମଇନା
ଟିକିଏ କଥାରେ ରାଗିଣ
ରୁଷି ବସି କର କେତେ ଯେ ଅଭିମାନ |
ଅଭିମାନୀ ପ୍ରୀୟା ମୋର ଚୋରୀ କରି ହୃଦ ମୋର
ଅଭିମାନେ କେତେ ମୋତେ କର ଧୀକ୍କାର
ନିର୍ଲ୍ଲଜ ପଣରେ ମୁହିଁ ପ୍ରୀତି ଭରା କଥା କହି
କରିଦିଏ ଅଭିମାନକୁ ମୁଁ ଚୂରମାର
ହସି ପଦେ କହିଲେ କଥା
ଝରିଯାଅ ମୋ କୋଳରେ ଲୋଟାଇ ମଥା |
ସମୟ ଦେଲା ପ୍ରହାର ଭାଙ୍ଗିଲା ସ୍ବପ୍ନ ଆମର
ଛଡାଇନେଲା ତୁମକୁ ବହୁତ ଦୂର
ହୃଦୟରେ ଉଠେ ମୋର ଖାଲି କୋହର ଜୁଆର
ହୃଦୟେ ମୋ ଖାଲି ଶୂନ୍ୟସ୍ଥାନ ତୁମର
ଫେରିଆସ ପ୍ରୀୟା ମୋହର
ମନେ ପଡ ଭାରି ତୁମେ ଆଜି ମୋହର |