ଲାଇବ୍ରେରୀ
ପ୍ରୋଫାଇଲ୍
ଫାଜିଲ୍ ଗାଁ
ଫାଜିଲ୍ ଗାଁ
1 min
133
ଏବେ ଖୁବ୍ ଫାଜିଲ୍
ହୋଇଯାଇଛି ଆମ ଗାଁ
ପୁଳାଏ ସ୍ବାର୍ଥକୁ ମୁଠାଇ
ତା ଛଇଳ ଚପଳ ଛାଡି
ସହରକୁ ନକଲ କରୁଛି
ତା ବୁକୁରେ ଆଧୁନିକତାର
ରଙ୍ଗ ଫୁଟାଉଛି
ପିଠାପଣା ଛାଡି
କେକ୍ ,ପିଜାରେ
ମନ ବଳାଇଛି
ପୂଜା ପର୍ବେ ପ୍ଲାଷ୍ଟିକ ଫୁଲର
ଚିତା ପକାଉଛି
ଏବେ ତ ଫିକା ଫିକା
ତା କୋଳ,ନିସଙ୍ଗ
ଜୀବନ ଜୀଉଁଛି।
ଗାଁ ମଶାଣିକୁ ଅମଡା କରିଛି
ଇଲେକ୍ଟ୍ରି ମଶାଣିକୁ ଆପଣେଇଛି
ଘରେ ମଟର ଫିଟିଙ୍ଗ ଟ୍ୟାଙ୍କି
ବାପ ଅମଳର କୂଅକୁ ପୋତି
ଗାଁ କୁ ସହରର ଛାପ ଦଉଛି
ସତରେ ଏବେ ଆମ ଗାଁ
ଭାରି ଫାଜିଲ୍ ହୋଇଛି
ଗାଁ ଚଉତରା ଛାଡି
କ୍ଲବଘରେ କେକ୍ କାଟି
ପାଟ୍ଟି କରାଉଛି
ଆଜି କାହିଁ ନଗ୍ନତାରେ
ଆନନ୍ଦ ଲଭୁଛି
ଫାଜିଲ୍ ଟା ଅତରଦିଆ
ଦିନ ବିତାଉଛି ।
