ଫାଇଲିନ ତୁମ ପୂର୍ବ ଠିକଣାରେ

ପୂର୍ବ ପ୍ରକାଶିତ ଉତ୍ତାରୁ

ଫାଇଲିନ ତୁମ ନୂଆ ଠିକଣାରେ 

ପାଇଲିନି ତୁମ ନୂଆ ଠିକଣାରେ

ଫେରି ମୁଁ ଆସିଲି ତେଣୁ, 

ଗୋପରେ ହେଉ କି ମଥୁରାରେ ହେଉ

କୋଉଠି ବଜାଅ ବେଣୁ

କ୍ଷଣୁ କ୍ଷଣ ତୁମ ଠିକଣା ବଦଳେ

କୋଉଠି ପାଇବି କୁହ,

ଚାଲୁ ଚାଲୁ ମୋର ପାଦ ଥକି ପଡେ

ଥରେ ମୋତେ ଦେଖା ଦିଅ

ଗୋଡ଼ ଯୋଡ଼ାକ ଯେ ହାଡ଼ରେ ତିଆରି          

ବୁଝାଏ ମୁଁ କାନେ କାନେ

ଚାଲ ଚାଲ ବାବୁ ଅଟକି ଯାଅନା

କେତେ ପଥ ଭାବ ମନେ।

ମନ ମୂନ ଚୈତନ୍ୟ ଏକ କଲେ

ଲଘିଂଵୁ ତୁ ଗିରି ଶିଖ,

ବାଟରେ ଝୁଣ୍ଟି ତୁ ପଡ଼ିବା ଆଗରୁ

ଡାକିବୁ ପଙ୍କଜ ମୁଖ ।

ମହାସାଗର ତୁ ପାଇଲେ ପଚାର 

କେତେ ଦୂର ପଥ ବାକି,

ଜାଣିଛ କି ତାଙ୍କ ଏଵେର ଠିକଣା

ଖୋଲି ମୋତେ କହିବକି ।

ଠିକଣା ତୋହର ନିଜ ପାଖେ ଅଛି

ଚାହିଁ ଦେ ତୋର ଭିତର

ବିଜେ ହୋଇଛନ୍ତି ପୁଣ୍ଡ୍ରରିକାକ୍ଷ ଯେ

ହୁଅ ନାହିଁ ‌ହରଵର ।