ପଦଟିଏ ତୋ ନାଁରେ ପ୍ରିୟା

ତୁମେ ଥିଲ

ଆକାଶରେ ମୁକ୍ତ ଭାବେ

ଉଡିବୁଲୁଥିବା ବିହଙ୍ଗମଟିଏ

ତୁମେ ମୋତେ ପ୍ରେମରେ ବାନ୍ଧିଲ ;

ଆଉ ମୁଁ ବି ତୁମକୁ ବାନ୍ଧିଲି ।

ମୁଁ ତୁମକୁ ଆକାଶର

ପରିସୀମା ଯାଚିଲି ;

ତୁମେ ମୋତେ ହୃଦୟରୁ

ବିନ୍ଦୁଟିଏ ମାଗିଲ ।

ମୁଁ ତୁମକୁ ଆକାଶର

ଉଚ୍ଚତା ଯାଚିଲି ;

ତୁମେ ମୋତେ ହୃଦୟର

ଗଭୀରତା ମାଗିଲ ।

ମୁଁ ତୁମକୁ ଆକାଶର

ନୀଳ ରଙ୍ଗ ଦେଲି ;

ତୁମେ କିନ୍ତୁ ହୃଦୟରୁ

ରଙ୍ଗଟୋପେ ନେଇ ମଥାରେ ବୋଳିଲ ।

ମୁଁ ତୁମକୁ ସ୍ଵାଧୀନତାର

ପରିଭାଷା ବୁଝାଇଲି,

ତୁମେ ମୋତେ ସୁରକ୍ଷିତ

ପଞ୍ଜୁରି ମାଗିଲ ।

  

ମୁଁ ତୁମକୁ ପଞ୍ଜୁରି ଦେଲି ତ

ମୋତେ ପଚାରିଲ-

“ତୁମେ ପଞ୍ଜୁରି ଚାହଁ ନା ଆକାଶ ?”

ଶେଷରେ ମୁଁ ବି

ପଞ୍ଜୁରି ଚାହିଁଲି ।