ପଦଟିଏ ତୋ ନାଆରେ ପ୍ରିୟା -୪

ପ୍ରିୟା ତୁମେ ମୋ ଦେହର ପ୍ରଶ୍ଵାସ ପବନ

ତୁମ ବିନା ସମ୍ଭବ କି କେବେ ଏ ଶରୀର ?

ପ୍ରତି ଅଙ୍ଗ ଅସ୍ଥି ମଜ୍ଜା ରକ୍ତ କୋଷ ମାନ

ଚିରି ଦେଖ ଲେଖା ଅଛି ନାମଟି ତୁମର।

ତୁମେ ଅଙ୍କା ବଙ୍କା ନଈ କାଚ କେନ୍ଦୁ ପାଣି ;

ମୀନ ମୁହିଁ ଜଳେ ମୋର ଜୀବନ ନାଟିକା । 

ମୁଁ ଯେ ରଙ୍ଗହୀନ ତୁମେ ରଙ୍ଗର ରୋଷଣୀ ;

ସ୍ଵରହୀନ ମୋ ଜୀବନେ ତୁମେ ଗୋ ଗୀତିକା।

କେଉଁ ଏକ କୁହୁଡିଆ ଶୀତ ସକାଳରେ

ଲାଲ୍ ଲାଲ୍ ଲତା ଫୁଲେ କାକର କଣିକା ।

ଝାପସା ଝାପସା ଦୃଶ୍ୟମାନ ପାହାଡ କୋଣରେ

ଶୀତ ଅପସାରୀ ତୁମେ ପ୍ରାତଃ ସୂର୍ଯ୍ୟ ରେଖା ।

ମୋ ଜୀବନ ପାରାବାର ଶୂନ୍ୟ ଅବୟବ

ତୁମେ ପୂର୍ଣ୍ଣ ଜଳରାଶି ଉଛୁଳା ତରଙ୍ଗ ।