ପଦଟିଏ ତୋ ନାଆରେ ପ୍ରିୟା ୩
ପଦଟିଏ ତୋ ନାଆରେ ପ୍ରିୟା ୩
ଆସିଥିଲା ଦିନେ ପ୍ରେମର ଫଗୁଣ
ମଳୟ ପରଶ ନେଇ
ତାହାରି ପରଶେ ସାରା ଶରୀରଟା
ପ୍ରେମମୟ ଗଲା ହୋଇ
ବଦଳିଛି ଋତୁ ଆସିଛି ଗ୍ରୀଷମ
ରୌଦ୍ର ଉତ୍ତାପ ନେଇ
ବିରହ ନିଆଁରେ ଜଳୁଛି ମୋ ଦେହ
ଶୁଷ୍କ ଆଜି ପ୍ରେମ ନଈ
ଝରକା ସେପାଖେ ଝରୁଛି ବରଷା
ଏ ପାଖେ ଜଳୁଛି ନିଆଁ
ପ୍ରେମର ବାରିରେ ଭିଜୁଛି ଦୁନିଆ
ମୁଁ ଏକା ହିନିମାନିଆ
ଶରତ ଋତୁର ନୀଳ ଆକାଶରେ
ମୁକ୍ତ ବିହଙ୍ଗମ ପରି
ଉଡି ବୁଲୁଅଛ ଚାରିଆଡେ ତୁମେ
ଶୁନ୍ୟ ଅଟେ ମୋ ପଞ୍ଜୁରୀ
କାକର ଝରା ସେ ଗୋଲାପକୁ ଦେଖ
ସରି ନୁହେଁ ସେ ତୁମକୁ
ତୁମରି ଦେହର କୋମଳ ପରଶେ
ତୁଚ୍ଛ ମଣେ କାକରକୁ
ସଉନ୍ଦର୍ଯ୍ୟ ତୁମ ଶୀତଳତା ଭରା
ଶରୀରେ ତୁମର ନିଆଁ
ଶୀତର ତାଡନା ସହି ନୁହେଁ ଆଉ
ଉତ୍ତାପ ଦିଅ ଗୋ ପ୍ରିୟା