ଲାଇବ୍ରେରୀ
ପ୍ରୋଫାଇଲ୍
ପଦ୍ମରାଗ ............
ପଦ୍ମରାଗ ............
1 min
163
ଯଦି ସବୁ ତାରା
ଆଉ ଜହ୍ନ ଯାଆନ୍ତି ଲୁଚି
ରାତ୍ରି ରୁହନ୍ତା
ସଦା ସର୍ବଦା ତାର
କୃଷ୍ଣ କବରୀ ବିଞ୍ଚି
ଅଂଧାର ସାଗରେ
ମେଲି ଦେଇଥାନ୍ତେ
ଆମ ପୋତ
ଆମେ ହଜି ଯାଇଥାନ୍ତେ
ପ୍ରବାଳ ସ୍ୱପ୍ନରେ
ପଦ୍ମରାଗରେ ଭିଜି
ସମୟ ହରାନ୍ତା
ତାର ଚପଳତା
ଉଠନ୍ତାନି ସଂସାର ସିନ୍ଧୁ ଲହରୀ
ଶାଶ୍ବତ ହସନ୍ତା
ଆମରି ବିନ୍ଦୁରେ
ଖେଳୁଥାନ୍ତା ସ୍ୱର୍ଗୀୟ ମଳୟ ଶିରୀ
ସବୁ ଜଂଜାଳ ଜାଲରୁ
ହୋଇଥାନ୍ତେ ଆମେ ମୁକ୍ତ
ମରଣ ଭୁଲନ୍ତା
ଆମ ମିଳନରେ ତାର ପଥ
ଆମେ ଭିଜି ଯାଇଥାନ୍ତେ
ଶାଶ୍ବତ ଜୁଆରେ
ମୁଗ୍ଧ ବଳୟ ରଚି
ବେଳେ ବେଳେ ଭାବେ
ଯଦି ସବୁ ତାରା
ଆଉ ଜହ୍ନ ଯାଆନ୍ତି ଲୁଚି
