ପଢିଲେ ଜାଣିବା
ପଢିଲେ ଜାଣିବା
ଶିକ୍ଷା ବିଭାଗର ଏହା ଯୋଜନା
ଶିକ୍ଷକ ପ୍ରଶିକ୍ଷଣ ।
ଅପ ଗ୍ରେଡ୍ ନାମେ ନାମିତ ଏହା
ବିଷୟ ଗଣିତ ବିଜ୍ଞାନ।।
ନପଢା ପଛକେ ଗଣିତ ବିଜ୍ଞାନ
ନେଇଯାଅ ପ୍ରଶିକ୍ଷଣ ।
ଲାଗୁ ନଲାଗୁ ଏହା କାହା କାମେ
ବଢିବ ତ ନିଜ ଜ୍ଞାନ।।
ପ୍ରଶିକ୍ଷାର୍ଥୀ ଏଠି ଯୁବ ଅଭିଜ୍ଞ
ପ୍ରଶିକ୍ଷକ ମଧ୍ୟ ଏକ ପରି ।
ସମୟେ ଆସିବା ସମୟରେ ଯିବା
ନୋହିଲେ ବିପଦେ ଆମ ଚାକିରୀ।।
ପାଠ ସମସ୍ୟାକୁ ନେଇ ନିଜ ମଧ୍ୟେ
ଆମେ କରିବା ଆଲୋଚନା ।
ତର୍କବିତର୍କକେ କରିବା ସମାଧାନ
ମନେ ରଖି ଆର୍.ପି.ଙ୍କ ସୂଚନା ।।
ସମସ୍ୟା ଗୁଡିକୁ ମନ୍ଥନ କରି
ନିର୍ଦ୍ଦିଷ୍ଟ ନିର୍ଯ୍ୟାସେ ହେବା ଉପନୀତ ।
ପଢେଇବାକୁ ହେଲେ ପଢିବାକୁ ହେବ
ଏହା ହିଁ ଏକଦା ସତ୍ୟ ।
ପଢିଲେ ଜାଣିବା ଜାଣିଲେ ଜିଣିବା
ଜଣାଇବାକୁ ହୁଏ ସହଜ ।
କିଛି ତାଙ୍କୁ ଜଣା ଥାଏ କିଛି ଉଣା
ପଢିବା ସଭିଏଁ କରି ମଉଜ।।