ପବିତ୍ର ପ୍ରେମ

ପ୍ରେମ ସଂସାରର ଅମୂଲ୍ୟ ସମ୍ପତ୍ତି

ପ୍ରେମ ଏକ ଦିବ୍ୟଭାଵ

ଶାଶ୍ୱତ ପବିତ୍ର ପ୍ରେମ ଚିର ସତ୍ୟ

ମଧୁଝରା ଅନୁଭବ

ରାଧାକୃଷ୍ଣ ପ୍ରେମ ସଦା ଅମଳିନ

ଯୁଗେ ଯୁଗେ ପୂଜନୀୟ

ଆତ୍ମାର ମିଳନ ସ୍ୱାର୍ଥ ଆଶା ଶୂନ୍ୟ

ଅବିରତ ମଧୁମୟ

ସଂସାରେ ପ୍ରେମର ଅମୂଲ୍ୟ ମହତ୍ତ୍ୱ

ଭରିଛନ୍ତି ପ୍ରେମୀ ସାଜି

ସମ୍ପ୍ରତ୍ତି ସମାଜେ ପ୍ରେମର ଉଚ୍ଛ୍ୱାସ

ଦେଇଛନ୍ତି ଦୁହେଁ ଖଞ୍ଜି

ଆମ୍ର କୁଞ୍ଜବନ ବଇଁଶୀରସ୍ଵନ

ପୀରତିର ଆକର୍ଷଣ

ନଥିଲା ଦୈହିକ ସୁଖର କାମନା

ଅପ୍ରାପ୍ତିର ଅଭିମାନ

ବସନ୍ତ ଆସନ୍ନ ଫଗୁଣର ରଙ୍ଗ

ବୋଲିଦେଇ ଶରୀରରେ

ଅପୂର୍ବ ପ୍ରଶାନ୍ତି ହୃଦୟେ ଆବୋରି

ଭିଜୁଥିଲେ ବିରହରେ

ସମର୍ପଣ ଭାବ ଦୁହିଙ୍କ ଆତ୍ମାକୁ

କରିଥିଲା ଏକାକାର

ମିଠା ତୃଷ୍ଣା ଓଠେ ହୃଦେ ଶିହରଣ

ଆର୍ତ୍ତନାଦ ପରଶର

ଅଦ୍ୱିତୀୟ ପ୍ରୀତି ମନୁଷ୍ୟର ଶକ୍ତି

ଅମୃତର ଭାବଧାରା

ପବିତ୍ର ପ୍ରେମର ଗାଥା ଗଉରବ

ମହକରେ ମହୀ ଭରା