ପାଉଁଶ ତଳର ସ୍ୱପ୍ନ
ପାଉଁଶ ତଳର ସ୍ୱପ୍ନ
ଜୀବନ ଗୋଟାଏ ମରୁ ମରୀଚିକା
କୁହୁଳା ନିଆଁର ସ୍ମୃତି,
ସ୍ୱପ୍ନ ଗୋଟେ ନିତି ଜଳି ଲିଭୁଥିବା
ଅନ୍ଧାର ରାତିର ସାଥି ।
ସ୍ୱପ୍ନ ପଢୁଥାଏ ନିବିଡ଼ ନିଦରେ
ସ୍ମୃତିର ଚିଠି କୁ ଖୋଲି
ଫେରି ଯାଇଥିବା କ୍ଳାନ୍ତ ଅପରାହ୍ନ
ସମୟର ମରୁବାଲି ।
ଫେରିବକି ଆଉ ଅଭୁଲା ସମୟ
ଚିରିଦେଲେ ଆଉ ଛାତି
ସ୍ମୃତି ତଳ ସେଇ ଜଳନ୍ତା ଜୁଇର
ପାଉଁଶରେ କିବା ଆଉ ।
ଯୌବନର ସେଇ ହଜିଲା ସପନ
ଖୋଜିକି ପାଇବ ଆଉ
ମିଳିବକି ଆଉ ଗଭୀର ନିଦର
ସ୍ୱପ୍ନ ର ଅଫେରା ରାତି ।