ପୁଣିଥରେ ବର୍ଷା
ପୁଣିଥରେ ବର୍ଷା
ଅଦିନିଆଁ ଝଡ ମାଡି ଆସିଲାଣି
ମେଘୁଆ ଆକାଶ ସାରା
ବର୍ଷାରେ ତିନ୍ତିବ ଧରଣୀର ବକ୍ଷ
ଦିଶିବନି ଟିକେ ଖରା I
ବର୍ଷା ଭାଙ୍ଗିଥିଲା କେତେକେତେ ଘର
ଆଉ ଯାହା ଥିଲା ବାକି
ଫେରନ୍ତା ମୌସୁମୀ ଧୋଇନେବ ତାକୁ
ଲୁହରେ ତିନ୍ତିବ ଆଖି I
ବରଷାର ପ୍ରୀତି ସର୍ବଦା ଏମିତି
ମାନେନି ଆକଟ କା'ର
ପାର୍ବଣର ଖୁସି ଧୋଇ ନେବା ପାଇଁ
ଝରିଯାଏ ଝର ଝର I
ତଥାପି ବରଷା ଆପଣାର ମୋର
ତାର କ୍ରୋଧ ତାର ଖୁସି
ଭଲଲାଗେ ତାର ସଲ୍ଲଜ ଚାହାଣୀ
ଦେଉଥାଏ ଯେବେ ହସି I