ପାରା ଯୋଡି

ପାରା ଯୋଡି ଦିନେ ଆସିଗଲେ ଉଡି

ଗଛରେ ବସିଲେ ଯାଇଁ

ଦୁଇପାରା କଥା ହୋଇଲେ ଗଢିବେ

ବସାଗୋଟି ନିଜ ପାଇଁ

ମାଆ ପାରା ବୋଲେ ପୁରୁଷ ପାରାକୁ

ଆଣି ଦିଅ କୁଟା କାଠି

ବସା ଟିଏ ଦୁହେଁ ଗଢ଼ିଦେବା କହେ

ହେଉ ପଛେ ଝାଟିମାଟି

ଅଳପ ଦିନରେ ଅଣ୍ଡାଦେବି ଆଉ

ଉଷୁମେଇ ହେବ ଛୁଆ

ବାସଟିଏ ଥିଲେ ବିପଦ ନଥିବ

ନପଡି ହୋଇବ ଥୁଆ

ଉଡିଯାଏ ଧରିଆଣେ କାଠିକୁଟା

ଥଂଟରେ କାମୁଡି ପାରା

ମାଆପାରା ବସା ଗଢୁଥିଲା ଖଞ୍ଜି

ଦେଇ କୁଟାକାଠି ସାରା

ପାରାଯୋଡି ଦେଲେ ଗଢ଼ି ବସାଟିକୁ

ଖୁସିରେ ବସିଲେ ତହିଁ

କୁନାକୁନି କାଲି କୋଳକୁ ଆସିବେ

ରହିବାକୁ ଥାନ ଯହିଁ