ଲାଇବ୍ରେରୀ
ପ୍ରୋଫାଇଲ୍
ପାହାଡ ଛାତିରେ ନିଆଁ
ପାହାଡ ଛାତିରେ ନିଆଁ
1 min
242
କିଏସେ ସିଏରେ ପାହାଡ ଛାତିରେ
ଲଗାଇଦେଇଛି ନିଆଁ
ଶୀତଳ ପବନ ବାଟ ଉଗାଳୁଛି
ଶୁଖିଲା ପତର ଧୂଆଁ
ଅବୁଝା ମଣିଷ ଅବୁଝା ପଣରେ
ଗଛ ଲତା ଯାଏ ଜଳି
ଜୀବନ ହରାନ୍ତି କେତେ ଜୀବ ଜନ୍ତୁ
ନିଆଁ ଯାଏ ତାଙ୍କୁ ଗିଳି
ଆଖି ପିଛୁଳାକେ ସବୁଜ ମୂଲକ
ପାଲଟେ ଧୁସର ମାଟି
ପାଉଁଶ ଗଦାରେ ନିରୀହ ଜୀବନ
ନିମିଶେ ପଡନ୍ତି ଲୋଟି
ଏମିତି ବଣକୁ ଉଜାଡି ଦେଲେରେ
ଖରାକୁ ହେବନି ସହି
ଖରା ଚାରି ମାସ ଡହଳ ବିକଳ
ସପନ ହୋଇବ ଛାଇ
ଗଛ ଗଲେ ଜଳି ପାହାଡ ଛାତିରେ
ପଥର ହେଇବ ରାଜା
ତତଲା ପବନ ବହିବ ନିଇତି
ମଣିଷକୁ ଦେଇ ସଜା
କିଏ ଲିଭାଇବ ଏ ଦାବାନଳକୁ
କାହୁଁବା ଆସିବ ପାଣି ?
ଏମିତି ଅବେଳେ ବଣକୁ ଭରଷା
ଏକା ସେ ବରଷା ରାଣୀ ।
