ପାଗଳ

ଏ ଦୁନିଆ ହେଲେ ଫରେବି,             

ଏଠି ସମସ୍ତେ ଅଟନ୍ତି ପାଗଳ,            

କିଏ ଶକ୍ତିର, କିଏ ଭକ୍ତିର,              

ପୁଣି କାହାର ଖରାପ ବେଳ ।

          

ପାଗଳ ଅଟେ ବିଭିନ୍ନ ପ୍ରକାର,          

ଯେମିତି ରାଧା ଥିଲେ କାହ୍ନlର,            

ଆଉ କହ୍ନେଇ ଯଶୋଦା ମା'ର,           

ଗୋପୀ ପୁଣି ସଖା ସୁଦାମାର ।

        

ଫୁଲପାଇଁ ପାଗଳ ଭଅଁର,            

ମଧୁଲୀ ମହୁ ସଂଗ୍ରହର,              

ଯେହ୍ନେ କୃଷକ ଅଟେ କ୍ଷେତର,           

ଆଉ କ୍ଷେତ ସାରା ଜଗତର ।

          

ପୁଅଟେ ପାଇଁ ମାଆ ପାଗଳ,           

ପୁଅଟି ଝିଅ ପଛେ ପାଗଳ,               

ଏଠି ପାଗଳ ସବୁ ମଣିଷ,              

ଟଙ୍କା ପଛରେ ପାଗଳ ଯଶ ।

       

ପରିଶ୍ରମୀ ଯେ କର୍ମ ପାଗଳ,            

ପ୍ରକୃତ କର୍ମୀ ଧର୍ମ ପାଗଳ,            

ଭୋକିଲା ସଦା ଖାଦ୍ୟ ପାଗଳ,          

ତୃଷାର୍ତ୍ତ ଯେଣେ ଖୋଜଇ ଜଳ ।

      

ପାଠୁଆ ସଦା ଜ୍ଞାନ ପାଗଳ,            

ଗରିବ ସଦା ଧନ ପାଗଳ,            

ଖେଳାଳି ପାଇଁ ପାଗଳ ଖେଳ,          

ସମସ୍ତେ ଆଜି ଫୋନ ପାଗଳ ।