ଓଁ ନମଃ ଭଗବତେ ବାସୁଦେବାୟ

"କ "ଠାରୁ "କ୍ଷ "ପର୍ଯ୍ୟନ୍ତ

କ, ଖ, ଗ, ଘ, ଙ

ରାଗ -ଚୋଖି

(କ)

କର ନିବେଶି କପୋଳେ   ମତି ତୁମ ପଦ ତଳେ

କମଳା କାନ୍ତ କମଳ ପଦେ ଶରଣ l

କାମନା ନିମଗ୍ନ ଦେହୀ   କାମ କ୍ରୋଧେ ବଶ ହୋଇ

କରେନା ତୁଣ୍ଡେ ଦିନେ ମୁଁ ତୋ ନାମ ଗାନ l

କରେ ଆଜି ପଦ ବନ୍ଦନ

କଳୁଷ ଛିଦ୍ର ଛେଦ ହେ ଦୁଃଖନାଶନ l

(ଖ )

ଖ'ମଣ୍ଡଳ ତ୍ୟାଗ କରି  ଖଗ ଆସନ ବିହାରୀ

ଖଳ ନାଶନେ ମଞ୍ଚରେ ତୋ ଅବତାର l

ଖଳ ଦୁଷ୍କୃତଙ୍କୁ ମାରି   ମେଦିନୀ ଭାରା ନିବାରି

ଅଖିଳ ଭକତ ଜନେ କର ନିସ୍ତାର l

ଖେଳା ଲୀଳା ଅନ୍ତିମ କାଳେ

ଖୋଜିଲେ ଦିଅ ଦର୍ଶନ ହୃଦ କମଳେ l

(ଗ )

ଗାତ୍ର ଯେସନ ଶୋଭିତ   ତମାଳର ପତ୍ର ବତ

ପୀତ ବସ୍ତ୍ରରେ ଆଵୃତ୍ତ ଶ୍ରୀଅଙ୍ଗ ଶୋଭା l<

Advertisement

/p>

ଗଗନରୁ ରବିରଶ୍ମି   ଖସିବା ପ୍ରାୟକ ଦିଶି

ମନ ନୟନେ ସେ ଶୋଭା ଆହା କି ଲୋଭା l

ଗତ ଜନ୍ମେ ଥିଲେ ସୁକୃତ l

ଗତାଗତ କାଳେ ଜୀବନ ଉପକୃତ l

(ଘ )

ଘର ସଂସାରର ମାୟା   ମାତା ପିତା ବନ୍ଧୁ ଜାୟା

ପୁତ୍ର କନ୍ୟା ସହୋଦର ସଖାରେ ପ୍ରୀତି l

ଘଟଣ ଶ୍ରୀମୁଖ ରୂପ   ଅନନ୍ତ ରୂପ ଅରୂପ

ପ୍ରୀତିରେ ନବଳେ କେବେ ଜୀବର ମତି l

ଘଟ ତେଜ୍ୟା କଲେ ଜୀବନ

ଘର ପର ପର ହୋନ୍ତି ଆତ୍ମୀୟ ଜନ l

(ଙ )

ଓଁ କାର ଉଚ୍ଚାରି ହୃଦ   ଉଚ୍ଚ ନୀଚ୍ଚ ଭେଦ ଭାବ

ଦୂରକରି ଭବ ଜନେ ଭାବି ଆତ୍ମୀୟ l

ଉତ୍ତମ ବାଣୀ ବଖାଣି  ନୀଚ୍ଚ ସ୍ଵଭାଵକୁ ଜିଣି

ପାରିଲେ ଜୀବ ଜୀବନ ମଙ୍ଗଳ ମୟ l

ଉତ୍ତମ ଲୋକଙ୍କ ସାନ୍ନିଧ୍ୟ

ଉଚ୍ଚିତ ମାର୍ଗରେ ସାଧ୍ୟ ସର୍ବ ଅସାଧ୍ୟ l