ଓମିକ୍ରନ

ସାବଧାନ ହୁଅ ମାଡି ଆସୁଅଛି

ଓମିକ୍ରନ ଭାରିଆଣ୍ଟ

କିଏ କହେ ପୁଣି ଓମାଇକ୍ରଅନ

ପାଣ୍ଡେମିକ ହେଭିଏଷ୍ଟ ।

ଦୁଇ ବର୍ଷ ହେଲା ବ୍ୟାପିଲା କରୋନା

କରିଦେଲା ଗୃହବନ୍ଦୀ

ହାତକୁ ଧୋଇଲୁ ସାବୁନ ଲଗାଇ

ମୁହଁରେ ମାଆସ୍କ ପିନ୍ଧି ।

ପକେଟରେ ରଖି ସାନିଟାଇଜର

ଟୀକାର ଡବଲ ଡୋଜ

ନେଲାପରେ ଟିକେ ହୋଇଲୁ ଉଶ୍ୱାସ

ମାନୁ ନାହିଁ କ୍ଲୋଜ ଫ୍ଲୋଜ ।

ଘାତକ କରୋନା ନୁହେଁ ପ୍ରାକୃତିକ

ସାଙ୍ଘାତିକ ତାର ଗତି

ମାରକ କ୍ଷମତା ବଢୁଅଛି କାଳେ

ଜନ୍ମାଏ ନୂଆ ପ୍ରଜାତି ।

ପ୍ରକରଣ ତାର ପୂର୍ବ ପ୍ରାୟୋଜିତ

ବଦଳାଏ ରୂପ ନିତ୍ୟ

ରକେଟ ପ୍ରାୟକ ବୃଦ୍ଧିକରେ ବେଶୀ

ସଙ୍କ୍ରମଣ ହାର ପଥ ।

ସତର୍କତା ସହ ରହିବା ଉଚିତ

ମାନୁଥିବା ପ୍ରୋଟୋକଲ

ଯିବା ନାହିଁ ବେଶୀ ଗହଳି ସ୍ଥାନକୁ

ଦୂରତାରେ ଚାଲବୁଲ ।

ମାନିଲେ ନିୟମ ନିଜ ପାଇଁ ଭଲ

ସମାଜ ହୁଏ ସୁରକ୍ଷା

ନୁହେଁ କଟକଣା ବଞ୍ଚିବା ସମସ୍ତେ

କେବଳ ମାତ୍ର ପ୍ରଚେଷ୍ଟା ।

ହୋଇଲେ ସାମାନ୍ୟ ତମ ଅବହେଳା

ବିପଦ ଆସିବ ମାଡି

ନିୟନ୍ତ୍ରିତ ଆଉ କରିହେବ ନାହିଁ

ବ୍ୟାପିଯିବ ମହାମାରୀ ।

ଅନୁରୋଧ ଏଣୁ ରହନ୍ତୁ ସଜାଗ

ଜନଗଣ ସାବଧାନ

ହାରିବ ନିଶ୍ଚୟ ଦୁଷ୍ଟ ଓମିକ୍ରନ

ଜୀବନ ମହାସ°ଗ୍ରାମ ।