ଓଡିଆ ନୂଆ ବରଷ

ପଣା ସଂକ୍ରାନ୍ତିକୁ ଓଡିଆ ମାସର

    ନୂଆ ବର୍ଷ କୁହାଯାଏ

ଓଡିଆର ନୂଆ ପାଞ୍ଜି ଏହି ଠାରୁ

    ପ୍ରଚଳନ ହୋଇଥାଏ ।

କେବେ ଏହା ଚୈତ୍ର ମାସରେ ପଡଇ 

    କେବେ ବୈଶାଖରେ ହୁଏ

ଚଉଦ ତାରିଖ ପଡିଥାଏ ହେଲେ

   ଅଘରି ସେ ହୋଇଥାଏ ।

 ପଣା ସଂକ୍ରାନ୍ତିରେ ଚଉରା ଉପରେ

    ଜଳ ଘଡି ବସା ଯାଏ 

ମାସକ ପରେ ସଂକ୍ରାନ୍ତି ପଡିଲେ

    ସେ କଳସୀ ଉଠା ଯାଏ ।

ଘରେ ଘରେ ପଣା କରାଯାଇଥାଏ

    ଆନନ୍ଦେ ସର୍ବେ ପିଅନ୍ତି

ଘୋର ଉତ୍ତାପରୁ ରକ୍ଷା ପାଇବାକୁ

    ପାଳନ ଏହା କରନ୍ତି ।

ଦଣ୍ଡ ନାଚ ହୁଏ ଝାମୁଯାତ୍ରା ପଡେ

    ଦଣ୍ଡୁଆ ମେରୁ କରନ୍ତି 

ଝାମୁରେ ଚାଲିଣ ଦଣ୍ଡକୁ ଛାପିଣ

    ଉଦଯାପନ କରିଥାନ୍ତି । 

ମା ମଙ୍ଗଳା ଓ ହିଙ୍ଗୁଳା ମାତାକୁ

   ଦାଣ୍ଡେ ପଣାପାଣି ଦ୍ୟନ୍ତି  

ମହା ବିଷୁବ ଏ ପଣା ସଂକ୍ରାନ୍ତିକୁ

   ନା କିଏ ଭୁଲିବା ଥାନ୍ତି ।

ଓଡିଆର ନୂଆ ବରଷ ରୂପରେ

   ଇଏ ଆମ ପରିଚିତ 

ଗର୍ବ ଓ ଗୌରବ ଆମ ପରମ୍ପରା 

   ସାରା ବିଶ୍ବରେ ପୂଜିତ ।