గ్రంథాలయం
ప్రొఫైల్
ଓଡ଼ିଆ ଅସ୍ମିତା
ଓଡ଼ିଆ ଅସ୍ମିତା
1 min
9
ଆମେରେ ଓଡ଼ିଆ ଭାଷାଟି ବଢ଼ିଆ
ଅସ୍ମିତା ଆମ ସଂସ୍କାର ସଂସ୍କୃତି
ପରବପର୍ବାଣି ଖୁସି ଦିଏ ବୁଣି
ପରମ୍ପରା ତୋଳେ ଅଭେଦ ପ୍ରୀତି ।
ବନ୍ଧୁ ପରିବାର ସୋହାଗ ଆଦର
ପିତାମାତାଙ୍କର ସ୍ନେହ ଅତୁଟ
ସାତପଦ କଥା ତୋଳଇ ମିତ୍ରତା
ଅଜଣା ବି କିଏ ହୋଇଲେ ଭେଟ ।
ନୃତ୍ୟ ସଙ୍ଗୀତରେ ଭାସ୍କର୍ଯ୍ୟ ଶିଳ୍ପରେ
ଦେଶଠୁ ବିଦେଶେ କରିଛୁ ନାଆଁ
ବୟନ ଶିଳ୍ପଠୁ କାରିଗରୀ ବିଦ୍ୟା
ସବୁଥିରେ ଆମେ ପରା ଆଗୁଆ ।
ଭାଷା ସାହିତ୍ୟର ଛନ୍ଦ ଅଳଂକାର
ଲୋକକଥାଠାରୁ ଢଗଢମାଳି
ଗପ ଉପନ୍ୟାସ ମନକୁ ସରସ
ବାସ ଚନ୍ଦନ କି ଦିଅଇ ବୋଳି ।
କାଞ୍ଚି ଅଭିଯାନଠାରୁ କୋଣାରକ
ଗାଥାରେ ବିସ୍ମୟ ଭାବ ଉପୁଜେ
କେତେ ବୀରଙ୍କର ଅମର କାହାଣୀ
ପିଢି଼ ପରେ ପିଢ଼ି ହୃଦେ ବିରାଜେ ।
ମନ୍ଦିରମାଳିନୀ ରାଜ୍ୟଟି ଆମର
ବିଭୁ ଦରଶନେ ଭକ୍ତ ବିଭୋର
ପ୍ରକୃତିର ଶୋଭା କେଡ଼େ ମନଲୋଭା
ବିମୋହିତ ମନ ଦର୍ଶକଙ୍କର ।
ଆମ ଜଗନ୍ନାଥ ଜଗତର ନାଥ
ସକଳ ମନର ଆରାଧ୍ୟ ଦେବ
ପ୍ରେମ ଭକ୍ତି ବଳେ ମୁକ୍ତିପଥ ମିଳେ
ପ୍ରଶାନ୍ତିର ଗୀତି ଗାୟନ ଜୀବ ।
