ଲାଇବ୍ରେରୀ
ପ୍ରୋଫାଇଲ୍
ଓଢିଆଣୀ ମୁଁ
ଓଢିଆଣୀ ମୁଁ
1 min
167
ଓଡ଼ିଆଣୀ ମୁଁ ଲୋ ଓଡ଼ିଆ ମୋ ପ୍ରିୟ
ଓଡିଶା ପରା ମୋ ଦେଶ,
କପାଳେ ଲାଳିମା, ସିନ୍ଥିରେ ସିନ୍ଦୂର
ମଥା ରେ ଓଢଣା ବେଶ।
ପାଦ ରେ ପାଉଁଜି, ଚୁଡି ମୋର ହାତେ
ସୁମଧୁର ଭାଷା ଓଠେ,
ମୋ ଜାତି କୀରତି, ଗୌରବ ଗୀତି
ଅଜଣା କାହାକୁ ସତେ।
ସ୍ମରଣୀୟ ଗାଥା, ମୋ ଜାତି କବିତା
ଇତିହାସ ଅଛି ସାକ୍ଷୀ,
ପ୍ରତି ପାଦେ ଅଛି, ଗୌରବ ଗୀତି
ସୁବର୍ଣ୍ଣ ଅକ୍ଷରେ ଲେଖି।
ଗୀତା ଭାଗବତ, ନିଇତି ପଢୁଛି
ଇଷ୍ଟ ମୋର ଜଗନ୍ନାଥ,
ପତିତପାବନ ନାଁ ନେଇ ତୁଣ୍ଡେ
ଯୋଡେ ମୁହିଁ ବେନି ହସ୍ତ।
