ନୟନର ଭାଷା
ନୟନର ଭାଷା
ଆଖିରେ ଆଖି ମିଳାଇ
ତୁମେ ଦେଖିପାର,
ମୁଁ କିନ୍ତୁ ପାରେ ନାହିଁ
ମୋ ମନଟି ହୁଅଇ ଅସ୍ଥିର ।
ତୁମେ ମୋ ପାଖକୁ ଆସିଲେ
ହୃଦୟର ସ୍ପନ୍ଦନ ବଢିଯାଏ,
କେଜାଣି, କାହିଁକି ଏ ଦୁନିଆଁ
ନୂଆ ନୂଆ ଲାଗୁଥାଏ ।
ନିରାଶା ଭରା ଜୀବନେ
ବଢିଯାଏ ବଞ୍ଚିବାର ଆଶା,
କେଡେ ବିଚିତ୍ର ସତେ
ତୁମ ନୟନର ଭାଷା ।
ଆଖିରେ ଆଖିରେ ତୁମେ
କହିଯାଅ କଥା,
କଥା ନୁହେଁ ସେ ତ ଏକ
କବିତାର ପେନ୍ଥା ।
କବି ବସି ଲେଖିଯାଏ
ତୁମ ଆଖି କଥା,
ପ୍ରେମଗୀତି ଗାଉଥାଏ
କରି ତୁମ ଚିନ୍ତା ।
ଚିତ୍ରକର ଆଙ୍କେ ଚିତ୍ର
ତୁମ କଥା ଭାବି,
ତୂଳୀରେ ଦିଏ ଜୀବନ
କଥା କହେ ଛବି ।
ସେ ଛବିରେ ଦେଖୁଅଛି
ତୁମ ଦୁଇ ଆଖି,
କେତେ କଥା କହେ ଆଖି
ପାରୁନାହିଁ ଲେଖି ।
ନୟନର ଭାଷା ଆସି
ଯେବେ କହିଦେବ,
ସେହିଦିନ ପ୍ରେମ ମୋର
ସାର୍ଥକ ହୋଇବ ।
*****