ନ୍ଯାୟ ପାଳିକାର ନୀରବତା
ନ୍ଯାୟ ପାଳିକାର ନୀରବତା
ଶୋଣିତେ ଭରା ଆନ୍ଦୋଳନରେ
ପାଇଛି ମୁଁ ଏ ସ୍ୱାଧୀନତା
ଶୁଣିଛି, ଫିରଂଗୀ ସେନା ବିରୁଦ୍ଧେ
ବୀରଙ୍କ କିରତି ଗାଥା ।
ସ୍ୱାଧୀନତା ସଂଗ୍ରାମୀ ସହୁଥିଲେ କଷ୍ଟ,
ସମାଜେ ଥିଲା ସ୍ଥାଣୁତା
ନ୍ୟାୟ ପାଳିକା ମାଧ୍ୟମେ ସେଡିଶନ
ଅପରାଧେ ଭୋଗୁଥିଲେ ବ୍ୟଥା ।
ପାଇଲେ ବହୁ କଷ୍ଟେ, ଆମେ ଗୋରାଂକ
ଛଳବଳ ଠାରୁ ସ୍ୱାଧୀନତା
ଭାବିଥିଲେ ଦେଶର ନ୍ଯାୟ ପାଳିକା ହେବ
ଏକ ମନ୍ଦିର, ତୁଟିବ ସମ୍ପର୍କର ଦୂରତା ।
ନ୍ଯାୟ ପାଳିକା ହେବ ଏକ ମନ୍ଦିର, ତହିଁ
ବିରାଜିତ ଅଛନ୍ତି ଈଶ୍ବର
ଭୁଲି ଘୃଣା ବିକାର ସଭିଙ୍କୁ ଭାବି ଏକାକାର
ଦେବେ ସମସ୍ତଂକୁ ସ୍ନେହ ଆଦର ।
ଦେଖି ପାରୁନାହଁ, କିପରି ରକ୍ଷକ ଆଜି
ତ ଭକ୍ଷକ ସାଜିଛି
ଦେଶର ଉନ୍ନତି ନାମେ କିପରି ପୁଞ୍ଜିପତିର
ଲୁଟପାଟ ଚାଲିଛି ।
ଟିକିଏ ପ୍ରତିରୋଧ କଲେ ଶାସକ ସେଡିଶନ
ଅପରାଧେ ବ୍ୟଥା ଦେଉଛି
ନ୍ଯାୟ ପାଳିକାଙ୍କର କଅଣ ଆଖିରେ ପଟି,
ଅନ୍ଯାୟ ଅନୀତିର ଖଟି ଚାଲିଛି ।
ସ୍ୱାଧୀନ ଦେଶରେ ଦେଖ ଗ୍ଯାନ, ଗୁଣ, ବୁଦ୍ଧି
ମଣିଷ ଆଜି ଭାଗ୍ଯ ହୀନା
ଦୋଷୀ ଅପରାଧି ବ୍ଯଭିଚାରୀ ଅକାଳ କୁଷ୍ମାଣ୍ଡର
ଏ ଦେଶେ ଉଡୁଛି ବାନା ।
ଅନ୍ୟାୟ ଅତ୍ୟାଚାର ପରିସମାପ୍ତି ନିଶ୍ଚୟ,
ମୁହିଁ ପୁରା ଆଶାବାଦୀ
ଏ ଅସୁମାରୀ ଅହେତୁକ ଚିନ୍ତା, ନ୍ଯାୟ ପାଳିକାର
ନୀରବତା, ହୋଇବ ଇତି ।