ନୂତନ ବର୍ଷ

ନୂଆ ବରଷର ନୂତନ ରଙ୍ଗରେ 

ରଙ୍ଗାୟିତ ହେଉ ମନ

ଅତୀତର ଯେତେ କଳଙ୍କିତ ଛିଟା

ହୃଦୟରୁ ହେଉ ଶୂନ୍ୟ

ହିଂସା ଅହଂକାର ମନର ବିକାର

ପ୍ରକୋପର ଅଗ୍ନି ସ୍ତୁପ

ଅହିଂସା ମନ୍ତ୍ରରେ ପ୍ରେମର ବର୍ଷାରେ

ହୋଇଯାଉ ନିର୍ବାପିତ

ମାନସିକ ଚିନ୍ତା ଶାରୀରିକ ପୀଡା

ଦୁଃଖ ଶୋକ ରୋଗ କଷ୍ଟ

ଖୁସିର ବନ୍ୟାରେ ଭାସି ଯାଇ ସବୁ

ଅବିଳମ୍ବେ ହେଉ ନଷ୍ଟ

ଶତୃତାର ବାଡ଼ ଅଶାନ୍ତିର ଝଡ଼

ବନ୍ଧୁତ୍ୱର ରୂପ ନେଉ

ନବ ବରଷର ନୂତନ ସକାଳ

ଶାନ୍ତି ବାର୍ତ୍ତା ଆଣି ଦେଉ

ନୂଆ ଆଶା ଆଉ ନୂତନ ସଂକଳ୍ପ

ନୂଆ ବର୍ଷ ପାଇଁ ନେବା

ଇର୍ଷା ହିଂସା ଦ୍ୱେଷ ମନ ମନ୍ଦିରରୁ

ସମ୍ପୂର୍ଣ ଦୂରେଇ ଦେବା

ନବ ବରସକୁ ସ୍ୱାଗତ କରିବା 

ନୂଆ ଉଦ୍ଦୀପନା ନେଇ

ପରସ୍ପର ପ୍ରତି ସ୍ନେହ ପ୍ରେମ କରି

ଶାନ୍ତିରେ ବଞ୍ଚିବା ପାଇଁ