ନୂଆଁଖାଇ ଜୁହାର
ନୂଆଁଖାଇ ଜୁହାର
ନୂଆ ବାସ ପିନ୍ଧି ନୂଆ ଅନ୍ନ ଭୁଞ୍ଜି
ଆସିଛି ଏ ନୂଆଁଖାଇ
କେତେ ସଜ ହୋଇ ଦେଉଳେ ବସିଛି
ଇଷ୍ଟଦେବୀ ସମଲେଇ ।
ପଶ୍ଚିମ ଦିଶାରୁ ଉଇଁଲାକି ସୂର୍ଯ୍ୟ
ଏଇ ଗଣ ପରବରେ
ସ୍ନେହ ସୋହାଗରେ ପରିବାର ଭରେ
'ଭାଇଚାରା' ଏକତାରେ ।
ଏକାଠି କରିଣ ରାଗ ଅଭିମାନ
କରିଦେଇ ଚୁରମାର୍
ସ୍ନେହ ପ୍ରେମ ଭରେ ଓଳଗି ପଡ଼ନ୍ତି
ଭେଟି ନୂଆଁଖାଇ ଜୁହାର୍ ।
ନୂଆ ଶସ୍ୟ ସାଥେ କେତେ ଯେ ବ୍ୟଞ୍ଜନ
ପେଟ ପାଇଁ ହୁଏ ସଜା
ପରମ୍ପରା ରଙ୍ଗ ରଙ୍ଗେଇ ମାତୁଛି
ନିସାନ୍ ଢୋଅଲ୍ ବାଜା ।
ଦେଶ ବିଦେଶରୁ ଟାଣି ଯେ ଆଣଇ
ମେଲି 'ପରବ'ର ନାଟ
ଗାଁ, ସଂସ୍କୃତିରେ ବାସନା ଭରଇ
ନୂଆଁଖାଇ ଭେଟଘାଟ ।