ଲାଇବ୍ରେରୀ
ପ୍ରୋଫାଇଲ୍
ନୂଆଖାଇ ଜୁହାର
ନୂଆଖାଇ ଜୁହାର
1 min
742
ବରଷକପରେ ପୁଣି ଆଉ ଥରେ
ଆସି ଅଛି ନୂଆଖାଇ
ଯିଏ ଯେତେ ଦୂରେ ରହିଥାଅ ପଛେ
ଗାଆଁକୁ ଆସହେ ଧାଇଁ।।
ମାଆ ସୋମଲେଇ ଆମରି ଭରଷା
ଫଳାଏ ସୁନା ଫସଲ
ଭକତିର ଭରେ ନବାନ୍ନ ବାଢିଣ
ନୂଆଖାଇବା ହେ ଚାଲ ।।
ଗୁରୁଜନ ଯେତେ ଆମର ପ୍ରଣମ୍ଯ
ଜୁହାର କରିବା ଯାଇ
ଡାଲଖାଇ ନାଚ ନାଚିବା ଆସହେ
ଦୁଃଖଶୋକ ଭୁଲିଯାଇ ।।
ନୂଆଖାଇ ଆମ ଗଣ ପରବ ହେ
ମିଳିଣ ପାଳିବା ଆସ
ମାଆ ସୋମଲେଇ ଦୟା ରହିଥିଲେ
ଭେଟିବା ଆରବରଷ ।।
ପଶ୍ଚିମ ଓଡିଶା ଭାଇ ଭଉଣୀଙ୍କୁ
ମୋର ନୂଆଖାଇ ଜୁହାର
ବର୍ଷ ପରେବର୍ଷ ଖୁସି ବାଣ୍ଟୁଥାଉ
ଆମ ନୂଆଖାଇ ତ୍ୟୋହାର ।।
