ଲାଇବ୍ରେରୀ
ପ୍ରୋଫାଇଲ୍
ନୂଆ ବରଷ - 2020
ନୂଆ ବରଷ - 2020
1 min
259
ନିତି ତ ସୂରୁଜ ଉଏଁ
ସାଥେ ନେଇ ନାଲି ନାଲି ହସ
ପକ୍ଷୀର କାକଳି ପୁଣି
ଫୁଲର ମହକ,
ଜୀବନରେ ଭରି ନୂଆ ଖୁସି
ନୂଆ ସୃଷ୍ଟି , ନୂଆ ଦୃଷ୍ଟି
ଜୀଇଁବାର ଅଦୃଶ୍ୟ ଝଲକ ll
ରାତି ଯାଏ ନିତି ନିତି
ପାସୋରିଦେଇ ଅତୀତର କଥା,
ଛାଡିଯାଏ ଆଶାର ସପନ
ମନେଭରି ଅଫୁରନ୍ତ ଶକ୍ତି
ଆଗକୁ ବଢିବାର ଖୋଜି ନୂଆ ରାସ୍ତା ll
ଗଲାଣି ତ ଗଲାକଥା
'କାଲି' ହେଲା ଆଜିପାଇଁ ଇତିହାସ
ଆଜିର ପାହାଚ ପରେ
ଦେଖାଯାଏ ଭବିଷ୍ୟତର ଆଭାସ ll
ନୂଆବର୍ଷ ନୂଆଦିନ
ନୂଆ ଅନୁକ୍ଷଣେ
ଭରିଯାଉ ସୁଖ ଶାନ୍ତି
ସବୁରି ପରାଣେ....... ll
