ଲାଇବ୍ରେରୀ
ପ୍ରୋଫାଇଲ୍
ପ୍ରେମ..... ♥️
ପ୍ରେମ..... ♥️
1 min
2.8K
ପ୍ରେମ ବୋଲି ଯେଉଁ ଦୁଇଟି ଅକ୍ଷର
ସୀମା ନାହିଁ ତାର ସୀମା ନାହିଁ
ସବୁତ ସରିବ ମଣିଷ ମରିବ
ପ୍ରେମର ତ କେବେ ଅନ୍ତ ନାହିଁ
ପ୍ରେମ ତ ନୁହଁଇ କାଗଜ ଫୁଲଟେ
ପବନରେ ଉଡିଯିବ
ପ୍ରେମ ତ ଅଟଇ ସରସ ସଂଗୀତ
ହରିନିଏ ଦୁଃଖ ଶୋକ
ପ୍ରେମ ତ ନୁହଁଇ କାଚ କଣ୍ଢେଇଟେ
ଆଘାତରେ ଭାଙ୍ଗିଯିବ
ପ୍ରେମ ତ ଅଟଇ ପବିତ୍ର ବନ୍ଧନ
ଯୋଡ଼େ ମନ ସହ ମନ
ପ୍ରେମ ତ ନୁହଁଇ ପାପ ଓ କଳୁଷ
ନୁହେଁ ସେ କଳଙ୍କ ଟୀକା
ପ୍ରେମ ଦୟା, ପ୍ରୀତି ପ୍ରେମ ହିଁ ଶାଶ୍ଵତୀ
ସେତ ବିଶ୍ୱାସ ଦୀପ ର ଶିଖା
ପ୍ରେମତ ନୁହଁଇ ଦେହୁ ଦେହ ଭୋଗ ପାଇଁ
ସାଜି ଯୌବନର ରଙ୍ଗଭୂଇଁ
ପ୍ରେମ ତ ଅଟଇ ପୂର୍ଣ୍ଣ ସମର୍ପଣ
ଏକରୁ ଅନେକ ପାଇଁ
ପ୍ରେମ ହିଁ ସତ୍ୟ, ପ୍ରେମ ହିଁ ଶିବ
ପ୍ରେମ ହିଁ ଅଟେ ସୁନ୍ଦର
ପ୍ରେମ ହିଁ ତ୍ୟାଗ, ପ୍ରେମ ହିଁ କ୍ଷମା
ପ୍ରେମ ହିଁ ଚିର ଅମର
