ତୁମେ

ଝରାଶେଫାଳୀର ମହକ

ହେ ତୁମେ !

ମଳୟର ମୃଦୁ ବାଆ,

କୋଇଲିର ମିଠା କୁହୁ

ଆହେ ତୁମେ

ଫଗୁଣର ରଙ୍ଗ ଛୁଆଁ ll

ପଉଷ ର ମୋତି କାକର

ହେ ତୁମେ !

ଅଳସୀ ନଈର ଧାରl,

ନୀଳ ସରସୀର ପଦୁଅଁ

ହେ ତୁମେ !

ଚାହାଣୀ ହୃଦୟ ଚୋରା ll

ସୂରୁଜମୁଖି ର ହସ

ଆଗୋ ତୁମେ !

ପଳାଶର ବର୍ଣ୍ଣ ବିଭା,

ସ୍ବର୍ଣ୍ଣ କ୍ଷେତ ର ଉଜାଣି

ହେ ତୁମେ !

ଚିର ଯୌବନ ଶୋଭା ll

ସଜଳ ଘାସର ଲାଜ

ଆଗୋ ତୁମେ !

ପେନ୍ଥା ବଉଳର କଢ଼ୀ,

ସୁନା ହରିଣୀର ସଂଭ୍ରମ

ତୁମେ !

ଉଦବେଳିତ ନଈବଢ଼ି ll

ଗୋଧୂଳି ବେଳାର ଚଞ୍ଚଳତା

ତୁମେ !

କପୋତୀର ଦୁଃଖ ଗୀତ,

ଥୁଣ୍ଟା ଗଛର ସରଳତା

ତୁମେ !

ଝରଣାର ମିଠା ଗୀତ ll