Library
Profile
ନୁହେଁ ମୁଁ ସାଗର ମୋତି ମହାପ୍ରଭୁ
ନୁହେଁ ମୁଁ ସାଗର ମୋତି ମହାପ୍ରଭୁ
1 min
155
ନୁହେଁ ମୁଁ ସାଗର ମୋତି ମହାପ୍ରଭୁ
ନୁହେଁ ମୁଁ ହୀରା କି ନୀଳା.
ନୁହେଁ ମୁଁ ବୃକ୍ଷର ସୁଗନ୍ଧିତ ଫୁଲ
ନୁହେଁ ମୁଁ ତୁଳସୀ ମାଳା. l0l
ନୁହେଁ ମୁଁ ଦେହର ପାଟ ପିତାମ୍ବରୀ
ନୁହେଁ ମୁଁ ମାଣିକ ହୀରା.
ନୁହେଁ ସୁନା ରୂପା ନୁହେଁ ମୁଁ ଚନ୍ଦନ
ଅଗୁରୁ କର୍ପୁର ପରା.
ନୁହେଁ ଧୂପ ଦୀପ ନୁହେଁ ବୃକ୍ଷ ଫଳ
ସବୁଠୁ ଅଟେ ନିଆରା. l1l
ଭାଗ୍ୟେ ଥିଲେ ମୋର ହୋଇଥାନ୍ତି ମୁହିଁ
ଧାତୁ ଅବା ପୁଷ୍ପଟିଏ.
ଦେହରେ ତୋହର ହୋଇ ବିଲେପନ
ହୋଇଥାନ୍ତି ସୁଖୀଟିଏ.
ଏଇ ଭାବେ ମୋତେ କରିଦେ କାଳିଆ
ଦେଖିବ ଜଗତ ସାରା. l2l
