ନୁଆବର୍ଷ
ନୁଆବର୍ଷ
ସବୁଥର ପରି ଏଥର ବି ନୂଆବର୍ଷ ଆସୁଛି,
ଏମିତି କେତେ ନୂଆବର୍ଷ ଆସିଛି
ସକାଳର ସଜ ସୁନେଲି କିରଣରେ
ଏମିତି କେତେ ବିଦାୟୀ ନେଇଛନ୍ତି
ଗୋଧୂଳି ର ଅସ୍ତବେଳା ରେ ।
ଏମିତି ଯିବା ଆସିବା ଭିତରେ
କେତେ ଘଟଣା ଦୁର୍ଘଟଣା ବାଦ଼ ବିବାଦ ର
ସ୍ତୁପ ସୃଷ୍ଟି ହୋଇଛି ।
କେଉଁଠି ମାନବିକତା ହଜିଯାଇଛି
ବିବେକ ସତ୍ତା ହରାଇଛି
ଗଣତନ୍ତ୍ର ବିପର୍ଯ୍ୟସ୍ତ ହୋଇଛି ।
ଭାଗ୍ୟ ଦୁର୍ଭାଗ୍ୟ ର ବିଡମ୍ବନା ଭିତରେ
ମଣିଷ ଅନାନିଶ୍ୱାସୀ ହୋଇ ହାରିଯାଇନି
ବରଂ ଧାଇଁଛି ତାର ଶ୍ରେଷ୍ଠତା ପ୍ରତିପାଦନ କରିବାକୁ
କେବେ ହାରିନଯିବାର ପ୍ରତିଶ୍ରୁତି
ତାକୁ ବାରମ୍ବାର ଚେତେଇ ଦେଉଛି
ନୂଆ ପୁରୁଣା ର ଲୁଚକାଳି ଖେଳରେ
ସେ ଜଣେ ଅଭ୍ୟସ୍ତ ପୁରୁଣା ଖେଳାଳି ।