ନପଢିଲେ ଭଲ

ହତାଶ ଲେଖୁଛି ନିରାଶ ଲେଖୁଛି

ଲୁହ, ଯନ୍ତ୍ରଣା, କଷଣ ଓ ବିଷାଦ ଲେଖୁଛି

କାନ୍ଦ, ବିରହ, ଚିନ୍ତା, ଦରଦ ଓ ବେଦନା ଲେଖୁଛି

ଶବ୍ଦରେ ହସ, ସୁଖ, ଆନନ୍ଦ ଖୋଜୁଥିବା ଲୋକ

ଆରାମ, ନିଶ୍ଚିନ୍ତ ଖୋଜୁଥିବା ଲୋକ 

ନ ପଢିଲେ ଭଲ ।

ଜଟିଳ ଲେଖୁଛି କୁଟୀଳ ଲେଖୁଛି

କର୍କଶ, ଅପରିଷ୍କାର, ଆବର୍ଜନା ଲେଖୁଛି

ରୋଗ, ଅସୁସ୍ଥତା, ବିବର୍ଣ୍ଣ ଓ କଳଙ୍କ ଲେଖୁଛି

ଶବ୍ଦରେ ସରଳ, ସାଧାରଣ ଓ କୋମଳ ଖୋଜିବା ଲୋକ

ସୁଚରିତ୍ର, ନିଷ୍କଳଙ୍କ, କୋକିଳ ଖୋଜୁଥିବା ଲୋକ

ନ ପଢିଲେ ଭଲ ।

ଗରଳ ଲେଖୁଛି ନିଷ୍ଠୁର ଲେଖୁଛି

କ୍ଷମାହୀନ, ନିର୍ଦୟ, ପାପ ଓ ଅପରାଧ ଲେଖୁଛି

ହତ୍ଯା, ଲୁଣ୍ଠନ, ଦୁଷ୍କର୍ମ ଓ ଅନୀତି ଲେଖୁଛି

ଶବ୍ଦରେ ପୂଣ୍ୟ, ଦୟା, ନୀତି ଖୋଜୁଥିବା ଲୋକ

ଉପଦେଶ, ଆଦର୍ଶ,ପିୟୁଷ ଖୋଜୁଥିବା ଲୋକ

ନ ପଢିଲେ ଭଲ ।

ମରଣ ଲେଖୁଛି ମଶାଣି ଲେଖୁଛି

କଣ୍ଟା, ନରହନ୍ତା, ରାକ୍ଷସ, ଅତ୍ଯାଚାର ଲେଖୁଛି

କୁଶାସନ ଲେଖୁଛି ଅପସଂସ୍କୃତି ଲେଖୁଛି

ଶବ୍ଦରେ ଜୀବନ, ଦେବତା, ରକ୍ଷକ ଖୋଜୁଥିବା ଲୋକ

ସଂସ୍କାର, ମନ୍ଦିର, ସୁଶାସନ, ଫୁଲ ଖୋଜୁଥିବା ଲୋକ

ନ ପଢିଲେ ଭଲ ।