ନନ୍ଦିକେଶରୀ ଓ ନନ୍ଦିକାକେଶରୀ

 ଇତିହାସ କିମ୍ବଦନ୍ତୀରେ ରହିଅଛି    

ଏକ କାହାଣୀ ଗାଥା,

ସେହି କାହାଣୀକୁ ଶୁଣିଦେଲେ ଥରେ

    ଘୁରିଯାଏ ଲୋକଙ୍କ ମଥା ।

ସତରେ କଣ !

ନନ୍ଦିକା ପ୍ରେମ ପାଇଁ ଯାଇଥିଲା 

  ଚୋଡଗଙ୍ଗ ନିକଟକୁ,

ନା ଶାନ୍ତିର ପ୍ରତିଷ୍ଠା ବାର୍ତ୍ତା ଘେନି

  ଯାଉଥିଲା ଉଆସକୁ ।

ରାଧାନାଥରାୟଙ୍କ ନନ୍ଦିକା ଥିଲା

   ପ୍ରେମର ଭିକାରୁଣୀ,

ଚୋଡଗଙ୍ଗ ଦେବଙ୍କୁ ବିବାହ କରି

  ଚାହୁଁଥିଲା ହେବାକୁ ରାଣୀ ।

ବାପାଙ୍କ ଜୈତ୍ରମଣିକୁ ସାଙ୍ଗରେ ନେଇ

   ଦେଇଥିଲା ଚୋଡଗଙ୍ଗକୁ,

ଜୈତ୍ରମନି ନେଇ ଶେଷ କରିଦିଅ

   ପିତା ଯଯାତୀ କେଶରୀଙ୍କୁ ।

ମନୋରଞ୍ଜନ ଦାସ ମନା କରିଦେଲେ 

   ସେ ଥିଲା କେଶରୀ ରାଣୀ,

ତାଙ୍କ ନାଟକରେ ମହାନ ଥିଲା ନନ୍ଦିକା

   ସେ ନଥିଲା ପ୍ରେମରେ ଭିକାରୁଣୀ ।

ପିତାଙ୍କୁ ମାରିଣ ରାଜ୍ୟ ଜୟକରି

   କରିଦିଅ ମୋତେ ରାଣୀ,

କେଶରୀ ବଂଶର ରାଜାରାଣୀ ହୋଇ

   ଲେଖିବା ନୂଆ କାହାଣୀ ।

ମନୋରଞ୍ଜନ ଦାସଙ୍କ ନନ୍ଦିକା ଥିଲା

   ଶାନ୍ତିର ପ୍ରତିଷ୍ଠା ପାଇଁ,

ହେଲେ ତାକୁ କେହି ନ ବୁଝିପାରି

    ଦେଲେ କଳଙ୍କିନି ସଜେଇ ।

ଶେଷରେ ନନ୍ଦିକା ବାଛିନେଲା ବାଟ

   ଆତ୍ମହତ୍ୟା କରିବାକୁ,

ହୀରାର ମୁଦ୍ରିକାଟିକୁ ପାଟିରେ ଦେଇ

   ଚାଲିଗଲା ଯମପୁରକୁ ।