ନନାଙ୍କ ପାଇଁ

ଯଥେଷ୍ଠ ପ୍ରଚେଷ୍ଟା ଥିଲା ତୁମର ପରିଣତ ବୟସରେ ମଧ୍ୟ

ତୁମ ପିଲାମାନଙ୍କୁ କେବଳ ଭଲ ମଣିଷ ରୁପେ ଗଢିବାର ।

ନା ଶିଖାଇଛ ଲୋଭ, ନା ଶିଖାଇଛ ଘୃଣା, ଦ୍ୱେଷ ଅହଙ୍କାର

ତୁମଠୁ ପାଇଛୁ ନମ୍ରତା, ଦୟା, ବିନୟ ଭାବର ସଂସ୍କାର ।

ଜୀବନର ମାନେ ସଂଘର୍ଷ ଦେଇଛ ବୁଝାଇ ବାରବାର

ଶିଖାଇଛ ସଦା ତଳ ଲୋକ ଦୁଃଖ ଦେଖି ନିଜକୁ ତୁଳିବାର ।

ଅଦମ୍ୟ ସାହସ ଦେଇଛ ଅଜସ୍ର ଯନ୍ରଣାରେ ବି ଚାଲିବାର

ଅକାଟ୍ୟ ଶିକ୍ଷା ସଂସ୍କାର ତୁମର ନନା ଭାଗ୍ୟ ଆମେ ପାଇବାର ।

ତୁମ ବ୍ୟବହାର ତୁମକୁ ଦେଇଛି ପରିଚୟ, ଜନ ଆଦର

ଆମେ ସମସ୍ତେ ଗର୍ବୀତ ସଦା ଅବର୍ତ୍ତମାନରେ ବି ତୁମର ।

ବଞ୍ଚିରୁହ ତୁମେ ଓ ତୁମ ସଂସ୍କାର ତୁମ ଅଂଶ ମାନଙ୍କରେ

ଏତିକି ବିଶ୍ବାସ ହେବୁନି କାହାର କାରଣ ଲୁହ ବା ଦୁଃଖର ।