ନମୋ ନମୋ ଗୁରୁଦେବ ପ୍ରଣାମ ପାଦତଳେ ତୁମର

ପ୍ରଥମ ଈଶ୍ୱର ଜନ୍ମଦାତ୍ରୀ ଜନନୀ ହେଲେ

ଶିକ୍ଷା ଗୁରୁଦେବ ହେବେ ଦ୍ଵିତୀୟ ଈଶ୍ୱର

ତାଙ୍କ ବିନା ଅଜ୍ଞାନ ଯେ ଆମେ ମାନେ

ଜ୍ଞାନ ଦେଲେ ସିଏ ଜୀବନୁ ହଟେ ଅନ୍ଧାର ।

ଦୁନିଆକୁ ସିଏ ଆଲୋକ ଦେଖାନ୍ତି

ଆମକୁ ଭଲ ମଣିଷର ବାଟ ଦେଖାନ୍ତି

ବିନା ଗୁରୁ ଏଠି ସମସ୍ତେ ବୁଦ୍ଧି ହୀନ

ଯିଏ ସମସ୍ତଙ୍କ ଭିତରେ ବିଶ୍ୱାସ ଭରନ୍ତି ।

ଥିଲେ ଯେବେ ଆମେ ମାଟି ପିଣ୍ଡୁଳାଟେ

ଜ୍ଞାନ ଦେଇ ଆମକୁ ଜ୍ଞାନରେ ଗଢ଼ନ୍ତି

ସିଏ ଗୁରୁ, ଭଲ ଶିକ୍ଷା ଦୀକ୍ଷା ବୁଦ୍ଧି ଦେଇ

ଶିଖାଇ ଶିଷ୍ଟାଚାର ନିଜ ଗୋଡ଼ରେ ଠିଆ କରାନ୍ତି ।

ଗୁରୁ ବ୍ରହ୍ମା ଗୁରୁ ବିଷ୍ଣୁ ଗୁରୁଦେବ ମହେଶ୍ୱର

ନମୋ ନମୋ ଗୁରୁଦେବ ପ୍ରଣାମ ପାଦତଳେ ତୁମର

ଗୁରୁ ବିନା ସଭିଏଁ ଅନ୍ଧ, ଗୁରୁ ହିଁ ସାକ୍ଷାତ ଈଶ୍ୱର

ଗୁରୁ କୃପା ରହିଥିଲେ ଜୀବନରୁ ହଟିଯାଏ ଅନ୍ଧାର ।